Sálumu146
Lalawahóuniwa le ladügübei Bungiu
1Alawaha huméi Aburemei!Nalawahabei Nabureme tau sun nuani.2Nalawahabei Nabureme sunme gabagari nan; neremuhaba uremu lun Nubungiute sunme wínwangidina lan.3Míchiga huméi hafiñen hawagun gürigia wéirigutiña, wügüriña ha siñati hesefuhan,4ladüga dan le hounwen, aba hasaliragun kalikime, ani lídanmeme weyu ligía lagumucha le hasaminarubei hadügün.5Fuleseiwatiña ha líderagubaña lurúeite Hakobu, ha íchugubalin hemenigin luagu Bungiu le Lubungiute Hakobu.6Ligía adügübalin sielu, múa, barana luma sun katei burí le lídanbei. Ágüdaha lumuti lererun súnwandan.7Ru lumuti haricha ha asufurirubaña houn, ru ligía éigini houn lamatiña.
Furigüda lumutiña adaürǘtiña furisunrugúgiñe;8águyugüda lumuti Aburemei harihin marihintiña houn; saragüda lumutiña éiguadutiña; hínsiñetiña gürigia harumatiña lun;9Areida lumutiña Aburemei terencha, ágüdahalaña méteñuhaña hama würiña hilaguaaña úmari, gama lumoun féridigüda lumuti hémeri wuribatiña houn.10Sión, larúeihaba Aburemei lun súnwandan; larúeihaba Bubungiute gumugua dan.
Alawaha huméi Bungiu!
Bible Society of Honduras