Hobu2
1Dan lachülürünbei weyu lun harufudagun lirahüñü Bungiu houngua ligibugiñe, aba giñe liabin Mafia haganagua.2Aba lariñagun Aburemei lun Mafia:
—Angia buguya, halíagiñedibu san?
Lariñaga Mafia lun:
—Negeyedaguñein ubóu luéigiñe aban oubaü luagun le aban.3Lariñagati Aburemei lun:
—Ariha baali san Hobu le nubúein? Úati ni aban kei ligía ubouagu, seriwiti nun lau úarani, winwan ligía aban ibagari suruti, ani harumati, áfaaguati lun madügün lan wuribati ni ka un. Ani lau sun ígira nan lun lábürühan lidoun lamiselu mébunouga, deregüdagumeme liña lidan lubuidun lóuserun.4Gama lumoun lariñaga Mafia lun Aburemei:
—Maguurúnwarügaali ligía lúgubu gürigia, úati mégeiti. Aranseñu liña gürigia lun ladügüni liyaraati lun lesefuruni libagari.5Gama lumoun sándigüdabei san, ánhabu míñaragun lan bigibuagun.6Lariñaga Aburemei lun Mafia:
—Adügabéi babusenrun lau, gama lumoun ineberügaali ligía libagari bun.7Aba lidin Mafia liñúarürugugiñe Aburemei, aba lóunahan aban lanarime sandi luagun Hobu, aba ladagarun guméi luagu sun lura, lúmagiñe lábugiñegiñe lugudi darí lábulugun.8Ábati lidin Hobu añuura lurugabu ifei, barüina ligía aban larigei sóudieru bóuguaali lun lañuguchagun lungua lau.9Tariñagati lúmari lun:
—Ítarameme buba san lau bubuidun? Íñaraguabei Bungiu, hilá báamuga!10Lariñaga Hobu tun:
—Madimurehabá libidiounigan bau! Anhein anha wabéi lun buiti le lóunahabei Bungiu woun, kábagia uagu wamahara lun le wuribabei?
Ítara liña lubeiti, lau sun le susereelibei, mafigounhanti Hobu ni íbini lau dimurei.
—Angia buguya, halíagiñedibu san?
Lariñaga Mafia lun:
—Negeyedaguñein ubóu luéigiñe aban oubaü luagun le aban.3Lariñagati Aburemei lun:
—Ariha baali san Hobu le nubúein? Úati ni aban kei ligía ubouagu, seriwiti nun lau úarani, winwan ligía aban ibagari suruti, ani harumati, áfaaguati lun madügün lan wuribati ni ka un. Ani lau sun ígira nan lun lábürühan lidoun lamiselu mébunouga, deregüdagumeme liña lidan lubuidun lóuserun.4Gama lumoun lariñaga Mafia lun Aburemei:
—Maguurúnwarügaali ligía lúgubu gürigia, úati mégeiti. Aranseñu liña gürigia lun ladügüni liyaraati lun lesefuruni libagari.5Gama lumoun sándigüdabei san, ánhabu míñaragun lan bigibuagun.6Lariñaga Aburemei lun Mafia:
—Adügabéi babusenrun lau, gama lumoun ineberügaali ligía libagari bun.7Aba lidin Mafia liñúarürugugiñe Aburemei, aba lóunahan aban lanarime sandi luagun Hobu, aba ladagarun guméi luagu sun lura, lúmagiñe lábugiñegiñe lugudi darí lábulugun.8Ábati lidin Hobu añuura lurugabu ifei, barüina ligía aban larigei sóudieru bóuguaali lun lañuguchagun lungua lau.9Tariñagati lúmari lun:
—Ítarameme buba san lau bubuidun? Íñaraguabei Bungiu, hilá báamuga!10Lariñaga Hobu tun:
—Madimurehabá libidiounigan bau! Anhein anha wabéi lun buiti le lóunahabei Bungiu woun, kábagia uagu wamahara lun le wuribabei?
Ítara liña lubeiti, lau sun le susereelibei, mafigounhanti Hobu ni íbini lau dimurei.
Houdin lumadagu Hobu arihei
11Ñéiñanuti ǘrüwa lumadagu Hobu: Elifási, lóubawaguna Temán Bilüdádü, lóubawaguna Sua luma Sofarü lóubawaguna Naamatü. Dan haganbunbei luagu sun lilamiserun Hobu, aba haranserun lun houdin ámalihei, íchiga dǘgüdaguaü lun lidan ligarigu.12Dísegiñe, aba harihini Hobu, keiti lénrengubei hasubudiruni luagu ligía lan, aba hagumeserun ayahuaha lau igarigu, aba haheiridagunu hadaüragun hawougua, aba hachüühan kaliki iñun luma hábulugun.13Aba hañuurun múarugu úara luma Hobu, aba herederun sedü weyu luma sedü áriebu ñein mariñagunga ni aban dimurei, lugundun ariha hamuti luagu weiri lan ligarigu Hobu.Bible Society of Honduras