OL SAM68
1God.Plis yu kam long paoa blong yu,yu ronem ol enemi blong yuoli ron wanwan.Yu kam,yu winim olgeta we oli no laekem yuoli stap agens long yu,yu mekem olgeta oli ronronwe.2God,plis yu ronem ol man nogud yaoli gowe long fes blong yu,olsem smok we win i blu long hem,i karem i go.Yu mekem we olgeta oli lus olgeta,olsem gris we i stap long bigsan,i ronaot, i lus.3Yumi ol stret man,yumi mas kam long fes blong God,yumi mas harem gud, yumi glad.I gud yumi hapi,we yumi stap singsingaot from.4I gud yumi sing long hem,yumi singsing blong presem nem blong hem.Hem i stap sidaon long klaod,i stap kam.I gud yumi mekemrere rod blong hem.Nem blong hem, Hae God.I gud yumi kam long fes blong hem,yumi glad.5God i stap long tabu haos* blong hem,mo hem i stap lukaot long ol pikininiwe papa blong olgeta i ded,mo i stap mekem i gud long ol wido.6Hem i stap fren long ol manwe oli no gat fren blong olgeta,i stap givim ples long olgetablong oli save stap gud long hem.Hem i stap tekemaot ol man long kalabus,i stap lidim olgeta i go,we oli fri, oli hapi.Be olgeta we oli stap agens long hem,hem i stap putum olgetaoli stap long graon we i drae,i nogud olgeta.7God,taem ol man blong yu bifooli aot long Ijip, oli kam,yu stap lidim olgeta,mo yu stap krosem ol draeples.8Yu yu God blong hil ya Sinae ,yu yu God blong mifala ol laen* blong Isrel,*mo taem yu yu stap kam,graon i seksek,mo bigfala ren i kam.9God,yu yu mekem bigfala ren i kam,nao yu mekem graon ya blong yuwe i kam nogud finis,i kam gud bakegen.10Ol man blong yu oli mekem hom blong olgetalong ples ya,mo from we fasin blong yu i gud tumas,oltaem yu stap givim ol samting long ol puaman.11God i Masta* blong yumi,mo hem i givim tok blong hem,nao plante woman oli kam talemaot nius,se ol king wetem ol soldia blong olgeta oli ronronwe.12Nao ol woman long hom oli seraot ol samtingwe ol man oli winim long faet ya.13Oli karem ol pija blong sotleg*we oli flasem long silva,mo we wing blong olgeta i saenfrom we oli flasem long gol we i klin gud.(?From wanem sam long yufalaoli stap long hom,oli stap lukaot long sipsiplong taem ya?)14God i gat olgeta paoa,mo taem hem i winim ol king ya,i mekem olgeta oli ron wanwan,i olsem we sno i folfoldaonlong bigfala hil ya Jalmon,i go olbaot.15Bigfala hil ya Basan,hem i bigwan we i bigwan,mo i gat plante smosmol hil antap long hem.16Hil,yu yu gat plante smosmol hil we i hae.?From wanem yu stap lukluk nogudlong tabu hil ya Saeon,*we God i jusumaot blong i stap long hem?Hae God bambae i stap long ples ya oltaem,gogo i no save finis.17Masta ya blong yumi i kamaot long Sinaewetem plante taosen kat blong faet we oli strong,nao i go insaed long tabu ples blong hem.18Hem i go antap long hil ya we i hae,i tekem ol man we i winim olgeta long faetoli go kalabus long ples blong hem.Fastaem olgeta ya oli stap agens long hem,be naoia oli stap givim presen long hem.Hae God i God blong yumi,mo hem bambae i stap long ples yagogo i no save finis.19Yumi presem Masta ya blong yumi,we evri dei,hem i stap karem ol hevi samting blong yumi.Hem i God mo i stap sevem yumi.20God ya blong yumi,hem i God blong sevem man.Hem i Hae God mo i Masta blong yumi,mo hem i stap holem yumi,yumi stap laef.21Tru,God bambae i brekem hedblong ol enemi blong hem.Bambae hem i smasemgud hed blong olgeta,from we oli stap gohedblong folem ol fasin nogud blong olgeta.22Hem i Masta blong yumi,mo hem i talem se,“Bambae mi tekem ol enemi ya blong miwe oli stap long Basan oli kambak.Bambae mi tekemaot olgetawe oli stap long dipsi oli kambak.23Bambae yufala i save wokbaot long blad blong olgeta,mo ol dog blong yufala bambae oli save dring blad yaolsem we oli wantem.”24God.Yu yu God blong mi,yu yu King blong mi.Olgeta man oli lukwe yu yu win yu maj i go,blong go insaed long tabu ples blong yu.25Ol man blong singsingoli stap go biaen long yu,mo biaen long olgeta,i gat ol gel oli stap kilim ol tamborin,mo biaen bakegen,i gat ol man blong stringban.26Olgeta oli stap singsing se,“Yumi ol man blong God,yumi kam wanples finis,yumi presem hem.Yumi evriwan i laen blong Isrel,yumi presem Hae God.”27Biaen long ol man blong stringban,ol laen blong Benjamin*we i smol laen olgetaoli wokbaot i go.Afta,ol lida blong laen blong Juda*wetem ol man blong olgeta,mo laswan,ol lida blong laen blong Sebulun*mo ol lida blong laen blong Naftali.*28God,plis yu soemaot bakegen paoa ya blong yuwe yu bin yusum bifoblong givhan long mifala.29Paoa ya i kamaot long yu,long haos blong yu long Jerusalem,*long ples ya we ol kingoli stap givim presen long yu.30Kantri ya Ijip i olsem wan algitawe i stap haed long ol longlongfala gras ya long wota.Plis yu tok strong long hem.Ol man blong ol narafala kantrioli olsem ol bul wetem ol pikinini blong olgeta.Plis yu tok strong long olgeta,gogo kasem we olgeta oli kam bodaon long yu,oli givim ol mane blong olgeta long yu.Olgeta ya oli laekem faet tumas.Plis yu mekem olgeta oli ronronwe.31Ol haeman blong karem tok blong gavman blong Ijipbambae oli aot long ples blongolgeta oli kam.Ol man Itiopiabambae oli leftemap han blongolgeta oli prea long yu.32Olgeta man long wol,yufala i sing long God.Hem i Masta blong yumi.Yufala i singsing,yufala i presem hem.33Skae ya i stap bifo olgeta,mo hem i rod we God i stap wokbaot long hem.Yufala i lesin gud long hem.Hem i stap singaot bigwan olsem tanda.34Yufala i talemaot paoa blong God.Hem i King,mo paoa blong hem i stap holem kantri blong yumi.Olgeta samting long skaeoli stap soemaot bigfala paoa blong hem.35Taem God i kamaot long tabu ples blong hem,yumi evriwan i fraet long hem,yumi stap ona long hem.Yumi ol laen blong Isrel,mo hem i God blong yumi.Hem i stap givim paoa long yumi,mo i stap mekem yumi strong.
Bible Society of the South Pacific