OL SAM36
1Man nogud,oltaem fasin blong mekem nogudi stap toktok long hem,insaed olgeta long tingting blong hem.Hem i no laekem God,i no save ona long hem nating,2from we hem i flas tumasnao i tingse God bambae i no save faenemaot ol sin blong hem,i no save jajem hem from.3Tok blong hem i nogud,i fulap long ol giaman,nao hem i no moa save mekem ol samtingwe i waes mo i gud.4Taem hem i ledaon long bed,hem i stap mekem ol plan we i nogud.Hem i no save mekem wan gud samting nating,mo neva hem i talem no long ol fasin nogud.5Hae God.Fasin ya blong yuwe oltaem yu stap lavem man,hem i hae we i hae.Fasin yawe oltaem yu stap holem promes* blong yu,hem i go antap kasem skae.6Stret fasin blong yu i no save jenis,i olsem ol bigbigfala hilwe oli no save muv,mo stret fasin blong yu blong jajem man,man i no save makem,i dip we i dip olsem dip solwota.Yu yu stap lukaot gud long ol manmo long ol anamol tu.7God, fasin ya blong yuwe oltaem yu stap lavem man,hem i gudfala tumas.Mifala i faenem sefples long yuolsem we ol pikinini blong faololi faenem sefplesaninit long wing blong mama blong olgeta.8Oltaem mifala i stap kakae gudlong ol kakae ya we yu yu stap givim.Oltaem yu letem mifala i stap dringlong reva ya blong ol gudgudfala fasin blong yu.9Yu yu stamba blong laef blong olgeta samting,mo from laet blong yu nao,mifala i stap luk delaet.10Fasin blong yu,oltaem yu stap lavem tumas olgetawe oli save yu,mo yu stap mekem i gud long olgetawe fasin blong olgeta i stret.Plis yu no lego fasin ya blong yu.11Plis yu no letem ol praod manoli kam faet long mi,yu no letem ol man nogudoli mekem mi mi ronwe.12!Yufala i luk!Hemia nao poen yawe ol man nogud oli foldaon finis long hem.Mo oli stap ledaon long ples ya,we neva bambae oli save girap bakegen samtaem.
Bible Society of the South Pacific