Dan6
1yexθar daryuws e yHuT miyye w εicriyn elwullay f elmemlxeθ elkul,2w yHuT fellasen tlaθe δ elwezre iyjen essisen δ danyal, esennawyen elHsab bac e tDurrenc elmlek.3yeγleb danyal elwezre d elwullay εlexaTer ykan δiys erruwH tebhe, elmi yfekker elmlek δ θiHuT δ elHakem f elmemlexθes elkul.4eqqiymen elwezre d elwullay etHewmen g elγeldeθ f danyal, yemenni elluwfin felles Hette ciy, w elleTTiyfen felles Hette elγeldeθ εlexaTer ykan δ eθθiyqeθ.5ennen:<<w entaf f danyal elγeldeθ kan max enenzi g ecceriyεeθ n errebbes.>>6eyendeγ emlemden γer elmlek ennanes:<<e θedreδ diyme ey elmlek daryuws,7mcawren elwezre elkul n elmemlxeθ d elHukkam d elwullay d elquDDay d imeqqaren elli yelzem e θessuwfγeδ elHukm n elmlek, teDelbeδ eĎlab yetmerriyc. g elHukme eθenneδ el tleθiyn yuwm iδa kan ijen eyeĎleb elHajeθ seg erreb ziyγ seg elεebδ umuc essix e yemmeHδef g eHriyc n leSyuwδ:8w ture ey elmlek eεlen ellemr elyettembeddilc, emmax ettembeddilc ecceriyεeθ n maday d fares elli elyetteθεeddi felles Hed.>>9yessuwfeγ elmlek ellemr yemmari.10max i yesle danyal f eSeHHeH n emexTuwT, yerjeε y elHuwces, w kanen ecbabex n θγurfettes miyren y ecciyreθ n urceliym, w ykan yrekkeε f ifednes tlaθ merraθ g as w yetzalle yHemmeδ g errebbes emmax yθeg qebl.11esδen iryazendiyn tweliys efent yetzalle w yetmelleg y errebbes.12elweqθes emerqen y elmlek eHkanes f elli yejre, ennanes:<<muc θessufγeδ ellemr el tleθiyn yuwm iδa kan ijen eyeĎleb elHajeθ seg erreb ziyγ seg elεebδ umuc essix e yemmeHδef g eHriyc n leSyuwδ?>> yjaweb elmlek:<<elli θeqqarem δiys SHiyH, elli eĎlbexθ nette m ecceriyεeθ n maday d fares w elyetged Hette Hed eθibeddel.>>13ennanes:<<danyal elli seg bniy yehuwδa yeHqerex cex d eSeHeHex, εlexaTer yetzalle tlaθ merraθ g as w yĎelleb g errebbes.>>14max i yesle elmlek yeHzen egget yebδe yexs e ysemneε danyal, yeTTef eSHiyH el weggaz n θefuθ.15w max i mlemden iryazendiyn γer elmlek ennen:<<tesseneδ ey elmlek elli ecceriyεeθ n maday d fares netteθ elli kul ellemr ziyγ δ elHukm eθyessuwfeγ elmlek yettembeddilc.>>16yeĎleb elmlek e γδen danyal eHδfent g eHriyc n leSyuwδ. yen elmlek y danyal:<<eθmenniγ errebbex elli diyme θεebδeδ δiys exisemneε.>>17eγδen elHegfeθ HuTTenteθ f iymi n eHriyc, yeĎbeεθ elmlek s eTTabεes d eTTabeε n imeqqernes bac e lyettembeddilc elHukm f danyal.18yrewweH elmlek y elqeSres yεedde iDes yzuwm, w ykezzem w yerwel felles enuddem.19g elfjer yekker elmlek yemreq yθezzel y eHriyc n leSyuwδ,20w max i yeqreb seg eHriyc ynabe f danyal s eSSuwθ Hziyn yennes:<<ha danyal elεebδ n erreb elli yedder, zeεme erreb elli θεebδeδ δiys diyme yged ysemenεex seg leSyuwδ?>>21yjewebθi danyal:<<eθedreδ diyme ey elmlek,22errebbiw yuzeni elmlexes ySekker imewwen n leSyuwδ, w eyyegin Hette ciy εlexaTer emmef ellegiγ Hette ciy ezzeθ erreb d ezzeθex cex ey elmlek.23yefreH elmlek egget, yeĎleb eθessuwfγen seg weHriyc, yeffeγ lebas εliyh, εlexaTer yemmen s errebbes.24yeĎleb elmlek eddaγen iryazendiyn elli themen danyal eHδfenten g eHriyc n leSyuwδ, nihnin d idrarinsen d elwacunensen, w γiyr i DiwDen g eHriyc hjemen fellasen leSyuwδ ebleεnasen iγsenensen.25w elbeεεeδ yuri daryuws elmlek y leεbaδ elkul seg ellummaθ elkul d elluwγaθ elkul:<<eθeqqiymem salmiyn.26essufγe ellemr y leεbaδ g elmemlexθiyw elkul ekδen seg erreb n danyal, εlexaTer nette elli yedder diyme elmelxes liweqqiyc w eSSulTanes diyme.27nette elli yessemnaε w yetnejje yθeg elmuεjzaθ d elεjayeb g esmawaθ d elqeεεeθ, w nette elli ysemneε danyal seg imewwen n leSyuwδ.>>28eyendeγ rebbiy eθyeg iθiged danyal g essukkes n elmlek daryuws we elmlek kuwrec g fares
Chutney Media Agency Limited