Dan12
1w g liyyameθdiyn e yekker mixaYiyl, errayes n elmlayxe emeqqar elli yetεemmel felles ecceεbex, w eykuwn elweqθ n eddiyq liSerc qebl seg elbδu n elεebδ el ellexxer, elweqθes eyemneε seg ecceεbex elli ellesmes yemmari g elxθab,2w egget seg elli nεesen seddu ecal ekren, lebHaD y eddar diyme w lebHaD y elεar d elεδab diyme.3elli γersen elheqmeθ e Dewwan m θefuθ g esme, w elli ehδan egget δ leεbaδ y elHeq eDewwan m iθran diyme.4emme cex danyal eHfeD eserre tsekker elxθab texθmetti el ellexxer, egget leεbaδ e merqen e sden bac e rniyn elmeεrfeθ.5w tay ezriyγ neč danyal sen xlaf bedden, iyjen esyah w iyjen esyiyn, f ecceT n esuwf.6enne y eryaz elli yireD elkettan, elli ybed f amen n esuwf: lemmi e Duqaneθ elhajeθ elli g ezre?7yqam eryaz elli yireD elkettan w ybed f amen n esuf, efuses elimin d efuses elyser y esme w yetjelle s elli yedder diyme: yetlaθe sniyn d ezyen, max e ySar ekesser n elquweθ n ecceεb imqeddes e ytem wah elkul.8sliyγ weδiyn w eθefhimexc, enne: ya siydiy, δme ellexxer n wah elkul?9yen: emreq ha danyal, kul ciy yemmeHrez w yemsekker elmi edyes elweqθ.10egget δ leεbaδ etteTTehharen w ettendafen, w icerriyren tegen g eccer yemenni Hette iyjen essisen welifehhem, emme elli γersen elHeqmeθ fehmen.11w seg ekkes n θimeHreqθ n diyme d age n enjaseθ n elxrab elf w miytiyn w tesεiyn yuwm.12SeHHe y elli e yraje yaweD y elf w tleθmiyye w xemse w tleθiyn yuwm.13w cex, berre terθaHeδ elmi yaweD elweqθ, usinc e θekreδ bac e θewyeδ elbayex.>>
Chutney Media Agency Limited