Ditrọnọmi20
Adika Ekọñ
1Ke ini ndufo ekaaha ekọñ ye mme asua ndufo ndin e-ekịt mme enañmbakara ye mme sariọd ye udịmekọñ a-akponno akan ake ndufo, ikiibaak ammọ, sia Abọọñ Abasi ndufo, a-akisioho ndufo ke Iyib, ayaaba ye ndufo.2Ndufo emaebeeñe idem adika ekọñ, aku ayaawuọ ada atañ ikọ anọ udịmekọñ.3Anye ayaabo: “Ikop, Isrel: Mfịn ndufo ediika ekọñ ye mme asua ndufo. Ikiinie ayeemensia ikiinyʌñ ikop ndịk; ikiinie iduọesịd ikiinyʌñ ibaak ammọ.4Sia Abọọñ Abasi ndufo ado andisaña ye ndufo anyʌñ anwana ye mme asua ndufo anyʌñ inọ edikan.”5Mme etubom ekọñ eyaebo mme udịmekọñ: “Aba awo se ibọp ufa ufọk ndin idʌññọ diin? Yak anye anyọñ ufọk, sia anye akpekpa ke ekọñ awo mfen ayaakedʌñ do.6Aba awo se itọ inwañ fain ndin itọọñọke diin adikop inem amọ? Yak anye anyọñ ufọk, sia anye akpekpa ke ekọñ awo mfen ayaakekop inem.7Aba awo se inie edioomo ndọ ye awonwaan ado idọọhọ diin? Yak anye anyọñ ufọk, sia anye akpekpa ke ekọñ awo mfen ayaakeben adọ.”8Ndin mme etubom ekọñ eyaedian, “Aba awo se ifeghe ndịk me anie ayeemensia? Yak anye atịmme anyọñ mbaak mme emọ-emọ mbon ekọñ edinyʌñ enie ayeemensia nte anye.”9Ndin mme ñkpoon awo ekọñ emaetañ ikọ inọ mbon ekọñ ima, ammọ eyaemek mme adaiso se ise ñkpọ ibaña udịmekọñ.10Imaikaa adinwana ye abio, ito iyem emem ye ammọ.11Adieke ammọ enyịmmeke enyʌñ ebeere atob ammọ inọọ ndufo, afịd awo ke esịd abio ado ana edo mbon utom ndufo enyʌñ enam ñkpọ inọ ndufo.12Adieke ammọ esịnne edinam emem ado enwana ye ndufo, ikanna abio ado ikʌk.13Ndin Abọọñ Abasi ndufo amaayaak abio ado asịn ke ubọk ndufo, iwot afịd ideen do ke akañkañ.14Amaado ibaan, ntəkayịn, ufene ye afịd ñkpọ mfen ke abio ado, emekeme edidat mbon ado nte ñkpọ mbịme enọ idem ndufo. Ñko emekeme edidat mbịme A-Abọọñ Abasi ndufo abọọhọ mme asua ndufo inọọ.15Ntom ke ediinam ye afịd mme abio enyọọñọ usʌñ ekpọñ ndufo inyʌññọ ido abio mme idịd se ikpere ndufo.16Ado akpedo ke mme abio ke idịd A-Abọọñ Abasi ndufo inọọhọ ndufo nte udeemeñkpọ, ikiiyak ñkpọ ndomokeed anweeghe inweek adu uwem.17Iwot afịd-afịd mbon Hed, mbon Amọọ, mbon Kenan, mbon Peris, mbon Hif ye mbon Yebus kpa naña Abọọñ Abasi ndufo akiwuuk ndufo.18Imiidooho ntoro, ammọ eyaikpeep ndufo edinañña afịd mme mbubiam ido a-ammọ enamma ke edu ukpono mme abasi ammọ, ndin ndufo eyaenam idiọọkñkpọ ke iso Abọọñ Abasi ndufo.19Imaikanna abio ikʌk ke anyan ini, ke adinwana ndat anye, ikiikama ekịd ikpook mme eto iduọñọ, sia emekeme edidia mme mfịd amọ. Ikiikpook ammọ iduọñọ. Ado nte eto ado awo, nọ ndufo esịn ammọ ukad?20Ado ndufo emekeme edikpịkke mme eto a-ndufo ediọọñọke ke idooho eto mfịd enyʌñ edat ammọ ebọp akọ ubiọọñọ tutu abio a-ndufo enwanake ekọñ keed aduọ.Biblica, Inc.