Ibeliu8
Veyavo anawai Keliso gikiveyegemonina ani veyavo anawai tuwaina giveiwakasegena.
1Gavana gavonayena ani ananuwanuwa lakaina taidei anafaiweya. Veyavo anatovegugai aditonagona ani bademowa ide faideya gimiyamiya. Banae givetovetoga Togetane-mwane yana veimeya anaebavetoga kaikaiwabuna aiyatagine gabama wagaine, ivi-nai wa anavemoimoina lakaina wagaine,2ada wadedeku Yaubada yana manuwa anaTutulagolota Tabutabuna wagaine gifaifaisewa. Tayuwe manuwa sinininila tabutabuna-nai Yaubada Tauna gikivemididina, keke kaliva, anafaiweya manuwa sinininila tabutabuna ikivemididina babiya. 3Idedeku babiya veyavo anatovegugai aditonagona seyana seyana adiveimeya gimiyamiya, ani kaliva yadi nuwakabubu tulina tulina ke kevakeva ivevebolavoiyedi Yaubada wagaine. E ada gilubodana taidei veyavo anatovegugai aditonagona-nai kaduwe tamo gavana yana nuwakabubu Yaubada matane gidasena. 4Kai Yeisu babiya gida miyamiya, aga Banae keke ivi-nai veyavo anavetogugai wagaine gida miyamiya, keke. Faina Yaubada yana veimeya givelena Mosese, ani bademowa giveimeya ke veyavo anatovegugaiyavo imiyamiya ke ivevebolavoi.5Badi yadi gugai igugaiyena ani Yaubada yana manuwa tabu wagaine babi taidei wagaine, aku manuwa-nai ani anunu gaga givevewala gavana gabameya gimiyamiya. Faina tova-nai Mosese gikidewadewa manuwa sinininila-nai gida iyogona, ani Yaubada Mosese givonamatawena, givona, “Una nogalina. Gaitoma matatabuna ani una bubudi adiita au gaveimeyeni oyeya anafaiweya.”6E, badi tuwaina-deya ifaifaisewa veyavo anawai tuwaina anaveimeya anafaiweya, aku malinai ani Yeisu gugai lakai-moena ginuwagana, keke anafaiweya badiyavo. E ada veyavo-nai anawai evaguna wagaine Yeisu givetomidigolota Yaubada ke ideyavo nefanideya, ani iwaka-moena ayo veyavo anawai tuwaina. Ada taidei faina veyavo anawai evaguna wa anavonadabadaba iwaka-moedi, ani veyavo anawai tuwaina giveiwakasegena.7Kai veyavo anawai nagona keke wa anakoyona, aga keke Yaubada yana veyavo anawai anavelu gidasei. Aku velemoena veyavo-nai wa anakoyona, faina anaveimeya dibune kaliva keke adifaiweya veimeya-dina ina itaveyabidi ke ina yegayegana Banae matane.8Faina tuwai-vagaina Yaubada yana yoo meIsileli yadi dewa keke yegayegana Bana matane. E ada givona,“Iya KAUVEYA gavona,Una itana, aimo tova gielaelai wagaineIya veyavo anawai evaguna gana bubunameIsileli wagaidiya ada kaduwe meIyuda wagaidiya.9Taidei veyavo anawai evaguna ani keke anafaiweyaveyavo anawai tuwaina gabubuna tamadiyavo nagona wagaidiya,tova-nai gaabidi gayegemonedi Itipita wagaine-deya.Wadedeku yaku veyavo anawai gabubuna wagaidiya,aku keke ida atuvefailedi ke idamiya-mowa wagaine,e ada gavedomobubusedi.Taidei anafaiweya Iya KAUVEYA gavona.”10Kaduwe Yaubada givona,
“Tayuwe tova tuwai-moena ani gina avaina ayotaidei veyavo anawai-nai gana bubuna meIsileli wagaidiyaani taidei anafaiweya.Yaku veimeya ganasedi nuwadiyaada kaduwe aseasediya gana vetokilumidi.Ada Iya yadi Yaubada gana miyamiya aku badi Iya yaku kalivayavo ina miyamiya.11Ada keke tamo gaito gina vewale kalivao kai anatubuluga Iya akualamana faina keginavona, ‘Gilubodana KAUVEYA una alamanena.’Faina kaliva-kavokavovo ada ginanaukaikaiwabudiyavo wagaidiya, moyaidi ina alamane-dewedewe-moeku.12Faina badi yaku veimeya iawaegegedi ke iyawelidi nonogana gana nuwakalikaliyedi,ada yadi koyona ani keke-bamowa kaduwe gana nuwanuwayedi.”Taidei anafaiweya Yaubada givona.13Tainei yana veyavo-nai anawai givewagana ‘veyavo anawai evaguna’ faina, tayuwe anaalamana ani yana veyavo anawai nagona givetuwai, e ada bademowa anatova giavaina. Ada givegaitoma-kavokavovo faina, tova kabisona gina avovolina.