Hiburuyi1

Ɗalapa Nyaruubii Aka Ɓɛɛ Jaa

1Sitɛ̃ɛttɛ̃ɛ Ɗalapa nwariu ɓɛuruyi nyatɔ a nyaba tot-tot aɗa tot-tot a janyagadiyi kabii.2Ama a ko nyayisinɛm nwariu nya kɛ ɓɛɛ jaa kabii. Ɗalapa shɛshi koo a ɓɛɛ jaa kabii, ukɔ ɔ̃rɛ shɔgbete Ɗalapa lɔrɛ u sã vi piti kpai a lee gbete koo yɛ yisinyayɛ.3Ɓɛɛ Jaa kɔ ɔ̃rɛ ɗɔ̃sẽsẽ au tasi Ɗalapa basinɛyɛ, ukɔ ɔ̃rɛ jasuru au tasi Ɗalapa shɛ̃biiyɛ, gbete au sã vi a koo piti kpai au kaka nyanwanɛ. A knti au sɔɔri shɔ ruuvinitɛ kpai, a ɔ̃kɛ a kolapa a Ɗalapa nakɨn, shɔgbeteu kaka tɛɛ ko-iviya piti kpaiyɛ.

Nɔgbete Ɗalapa Jaa u Banɛ Ɔ̃yɛ

4Ɗa Jaa kpaa basinɛtɔ fɛ̃ɛm tɛɛ Ɗajashonɛlapayi tɔ, ji nagbete Ɗalapa ãu niiyɛ, tɛɛ Ɗajashonɛlapayi niitɔ.5Aruviya Ɗalapa ji geli u Ɗajashonɛlapayi wɔ ɓa nɛ,<<A pɛ majaa;nɛm n ɔ̃tɛ meye.>>Ko Ɗalapa u geli u Ɗajashonɛlapa wɔnɛ,N yɛn ɔ̃ u Ɓeye,U ɔ̃ sɔ̃njo majaa.
6Ama aɗagbete Ɗalapa kasiu jaamari shonɛ a kotipi shanɛ,Ɔ̃tɛ kaka jazɨng akɔrɔ Ɗajashonɛlapayi kpai i bassiutɔ.>>
7Ama aru Ɗajashonɛlapayi Ɗalapa shanɛ,Ɗalapa pɔ̃u Ɗajashonɛlapayi i ɔ̃ naa sɔrɔ dusinɛ,A pɔ̃u u jawɛrɛyi i ɔ̃ naa yeenya yaa.
8Ama a ɓɛɛ jaa yuu Ɗalapa shanɛ:A laakpati ɔ̃nɛ, Ɗalapa, yɛ ɔ̃ dangdang!a yɛ sã a shɔbiiyi tɔ̃vɨn.9A ɔri vigbete tɔ̃vɨn a ɓɛ̃ɛ̃ vikɔ̃linɛtɔ.Aruukɔ Ɗalapa, a Ɗalapa lɔ arɛÃa sisɨn puru shɔ basinɛtɛ pɛ̃nibaau tɛɛ kopiya ɓɛɛtɔ piti kpai.>>
10Ɗalapa sha sɔ̃nnɛ,Mɔkɔ Uɓeyelapa a gaanɛ mɔkaa shɛshi kotipirɛ,Aa naayi a pɛli kolapa a vigbete a ɗɔnyɛni kpai.11I yɛ yisinyatɔ ama a yɛ ɔ̃ dangdang;i yɛ rii shɛlɛlɛtɔ naa fãrãyi12Shɔ yɛ litɔ naa lààshɔ yɛ kɔsiyitɔ naa shɔ kɔsi fãrãyi yɛ, ama kopiɗaviya a ɓɛɛ jo naa gbete a sijiyɛ,a suru yisinya ɓa dangdang.
13Ɗalapa ji geliu Ɗajashonɛlapayi wɔ ɓa nɛ,<<Ɔ̃nɛ yɛɛm ang nakɨnsetɛn pɔ̃ a shɔnɔpɔ̃yitɛi ɔ̃tɛ a vidɔɔpɔ̃nɛ.>>
14Ɗajashonɛlapayi ikɛ piviya? Ɗajashonɛlapayi i pɛ suru, gbeteyi shoshi Ɗalapa vishonɛyɛ, a Ɗalapa shoyi nɛi pɔ̃si shɔgbeteyi kpaa naraanɛrɛ.

The Word for the World International

https://app.library.bible/content/6fec21b499f7e625