JOB38
1Nao i gat wan bigfala win i blu, mo Hae God i kamtru long win ya, i tok long Job, i talem se,2“?Yu hu ya we yu stap talemse mi mi no waes?Ol tok ya blong yu i soemaotwe yu no gat hed nating.3Sipos yu yu wan man, yu stanap,yu ansa long ol kwestin blong mi.4“?Taem we mi mi mekem wol ya,yu yu stap wea?Sipos yu save, yu talem long mi.5?Hu i makemaot wol ya,se bambae i bigwan olsem wanem??Hu i pulum teplaen antap long hemblong makem saes blong hem??Yu save ansa long ol kwestin ya?6Long moning blong dei yawe mi mi stanemap ol pos we oli holem wol ya,mo mi putum fandesen blong hem,ol sta oli harem gud tumas,oli stap singsing wanples,mo ol enjel long heven oli glad tumas,oli stap singsingaot,be mi no luk yu long taem ya.?Ol pos ya oli stanap long wanem??Mo hu i putum fas stonlong kona blong fandesen ya,we ol narafala ston blong hemoli stap laenap long hem?8“?Long taem ya we solwota i sut,i kamaot long graon fastaem,olsem we pikinini i bon, i kamaotlong bel blong mama blong hem,be hu i satem doa blong blokem solwota yai stap long ples blong hem?9Long taem ya,mi nao mi tekem klaod,mi kavremap solwota ya long hem,mo mi mekem tudak i kamolsem klos blong hem.10Mo mi mi putum makwe solwota bambae i go finis long hem,olsem we mi putum stonwol i goraon long hemblong blokemgud hem.11Mi talem long hem se,‘Bambae yu go kasem ples ya,yu no bitim i go moa.Paoa blong yu bambae i finislong ples ya.’12Job.?Olsem wanem??Long laef blong yu,samtaem yu save singaot delaet se,‘!Delaet, yu kamtru!’?13?Samtaem yu save talem long moning se,‘Moning, yu holem wol ya,yu seksekemgud,blong ol man nogud oli kamkamaotlong ol ples blong olgeta we oli stap haed long hem?’14Taem i brok delaet,man i save luk ol hil mo ol krik i kamaotwe i klia we i klia,oli go antap i godaonolsem blangketwe i benben olbaot.Saed blong ol hil i kamaoti klia gud,olsem trak blong man long sanbij.15Long dei,san i mekem ples i saen tumas,nao ol man nogud oli no glad long hem.Hem i stap blokem olgeta,oli no moa save go spolem ol man.16“?Olsem wanem??Samtaem yu yu godaoninsaed long dipsi,long ples we solwotai stap kamaot long hem??Samtaem yu yu wokbaotlong botom blong dip solwota?17?I gat man i soemaot long yu finisdoa blong Hom* ya blong ol Dedmanwe insaed, i tudak olgeta?18?Yu yu save saes blong wol ya??Hem i bigwan olsem wanem?Sipos yu save, yu talem long mi.19“?Yu yu saveweples laet i stap kamaot long hem,mo wanem plesstamba blong tudak i stap long hem?20?Yu save tekem tufalai go long ples blong tufala??Mo yu savegud ol rodblong go long ples blong tufala?21Ating yu save mekem olsemfrom we yu yu wan olfala tru,yu stap fastaem,taem we wol ya i no gat yet.22“?Samtaem yu yu go long ples yawe mi stap putumgudsno* mo ston blong aes*i stap long hem?23Mi putum olgeta oli stap rereblong mi save yusum olgetalong taem blong trabol,mo long dei blong faet.24?No samtaem yu go long ples yawe san i stap kam antap long hem??No yu go finis long ples yawe iswin* i stap kamaot long hem?25“?Hu i mekem rod, blong ren i folemblong i kam folfoldaon long wol ya??Mo hu i klinim rod, blong tanda i folemblong i kam faerap long ples ya?26?Hu i stap mekem ren i kamlong ples we i no gat man long hem?27?Mo hu i stap mekem i ren long draeples,blong mekem gras i gru?28?Olsem wanem??Ren mo wota blong naettufala i gat papa blong tufala?29?Aes mo wota blong naet we i kam aes,tufala i gat mama blong tufala?30Oltaem wota i stap kam aeswe i strong olsem ston,mo solwota tu i stap kam aes,be hemia wok blong mi ya.31“?Ol seven sta yawe nem blong olgeta Pleades,*yu yu save fasem olgetai stap wanples??Mo ol sta yawe nem blong olgeta Oraeon,*yu save tekemaot rop yawe i fasemtaet olgeta?32?Yu yu save singaot ol stablong oli stap kamkamaotlong stret manis blong olgeta??Mo tufala grup blong sta yawe nem blong tufala Bigfala Bea mo Ol Smol Bea,yu save lidim tufala i go long ples blong tufala?33?Yu yu savegud ol loawe i holem ol samting long skae??Mo yu save mekem ol loa yaoli holem ol samting long graon ya?34“?Olsem wanem??Yu yu save tok long klaod,blong i mekem ren i folfoldaon,gogo yu wetwet olgeta?35?Mo sipos yu traem tok long laetningblong i laet,yu ting se bambae hem i save talem se,‘Yes, Masta.’?36?Hu i stap talemaot long pijin ya aebis*we Nael Reva bambae i ron bigwan??Mo hu i stap talemaot long man faol we ren bambae i kam?37?Hu i waes gud,we i save kaontem ol klaod long skae,mo hu i save kafsaedem olgetablong ren i folfoldaon,38i mekem asis blong graon i wetwetnao biaen i kam strong?39“?Taem ol laeon oli stap haedlong hol blong ston,no oli stap wetblong kasem kakae blong olgeta,yu yu stap go tekem kakae i kamblong oli kakae??Yu yu stap givim kakaelong ol pikinini blong olgetawe oli hanggri tumas?41?Taem ol pijin ya reven* oli hanggri,mo oli stap go olbaotblong lukaot kakae,mo ol pikinini blong olgetaoli stap krae long mifrom we oli wantem kakae,hu nao i stap fidim olgeta?
Bible Society of the South Pacific