Lee Keneki Nahum 2

Keneki Nahum2

Uyikpi u Niniva

¹Vuza munuka u foɓuso ta̱, avu Niniva,u zuwa ta̱ osoji a mashilya ma̱ likuci ma.a yaꞋan kindi ku ubuta̱ u kusheɗeku wu n nshilya,foɓuso mayin,ɓolongu osoji a̱ nu ra̱ka̱.²Adama a na Vuzavaguɗu wi ta̱ o kubonoko,n ugaꞋin u Yahuda n wa aza a Isaraila ra̱ka̱,ko ɗa baci aza a̱ kupura̱ uciyi,a̱ pura̱i uciyi u likuci u le ra̱ka̱,ko ɗa baci a̱ la̱nga̱sa̱i a shina a̱ nɗimbi e le.³Nra̱ga̱ mo osoji ma aza a Niniva n na n fuɗai kuvon,n shilyamgba ta̱ ushili,osoji i ta̱ u uki,n akashi a̱ shili.Ekeke o doku e le a kutasa,tsu melentsu ma akina,a̱ kuɗa̱ngusa̱ nsara e kuneke le wovon.⁴Odoku, n ekeke odoku o kuvon,a̱ ka̱na̱i ilaɗi i kavama a uye,a kubana n obonoi,punu asuvu a̱ ka̱ba̱nga̱ ka̱ likuci.ku uta̱ ku le tsu kutashi ku ma̱kuni ku ɗa,a nwalu a na ulaɗi.⁵Mogono ma Niniva me ɗekei osoji a gbagbaꞋin a̱ ni,ɗa a̱ ka̱na̱i ku ta̱ɗa̱tsa̱ n yikpa̱i a uye a̱ kuta̱wa̱.A dakakai a kubana a mashilya ma̱ likuci ma,ɗa a̱ shikpa̱i i na i kere le.⁶A̱ ɓa̱yuwa̱i adaɓa a̱ mini,ɗa kpaꞋa ku mogono ku ripula̱i.⁷O foɗoi Egbere aminya ɗa a lazai n a̱yi,agbashi a nkere n ni a̱ ma̱shi,ma̱shi ma kpalu me le tsu ma̱shi ma moɗoi ma a,a zuwai ekiye e le aci.⁸Tsu mini ma na mo ɓosoi a̱ ka̱sha̱n,aza a Niniva a kusuma a̱ ku uta̱ punu,uma a kudana le <<Shamgbai! Shamgbai!>>Ama babu vuza na u kpatalai wu indanai kucina̱.⁹Pura̱ngi azurufa.Pura̱ngi azanariya.Likuci ya yi ta̱ tukpa nu uciyi kakau,uciyi u ni wi n uteku ba.¹⁰Niniva u na̱mgba̱ ta̱,wo okpo ta̱ agali,a̱ɗu a uma a̱ ni e derikpe ta̱,a̱ka̱nga̱tsu e le e kujeꞋe,a̱kyun e le kpamu a mɓa̱la̱,a̱shi e le ra̱ka̱ a̱ ula̱nga̱shi.¹¹Yiɗa̱i i ciya̱i likuci i Niniva,i na yi tsu kpenle ki ikawu?Kpenle ku na a̱ tsu ɓa̱na̱ muku mi ikawu,ubuta̱ u na kawu n a̱ma̱ci e le a̱ tsu ka̱ra̱Ꞌa̱,koɓolo n muku mi ikawu babu wovon.¹²Kawu u tsu saza ta̱ i na,i yawai ni koɓolo m muku n ni,ka̱ta̱ kpamu wu una ka vuka vu ni manama,u shatangu kpenle ku ni n uciyi ugbani,ungu a̱ ni kpamu nu nnama n kakamba.¹³Vuzavaguɗu u danai,<<Mi ta̱ a tsurala n avu Niniva,mi ta̱ o kusongu ekeke o odoku o kuvon a̱ nu,ka̱ta̱ kotokobi ku una osoji a̱ nu aza a na i tsu ikawu,mi ta̱ a̱ kusa̱nka̱ wu vu una uduniyan.Ka̱ta̱ n sa̱nka̱ aza u suki a̱ nu kubanka n akaka a na e kuneke wovon.>>