MASMUR70yva_tbl

Amisye anajo indamu aemeno rinai

1Masmur Daud po ratoe, arono po anakotare rameseo Amisye Ai indamu Amisye aemeno ai. Nto irati akari po vatano matayao ukiny maugavo ransyerane rai ai.
2Sya Amisy, syare nde Nyo inapaya irati sya marova mai,AMISY, nyavave Nyo inasopan!3Vatano ware wo rinaubaisye nawamokoveamo Nyo mapinde ti usamane muno mpusyek tatugadi.Vatano ubekero siurije nande rinai nawamo,koveamo Nyo matamo ra wansuk akiri muno awa tame ngkakai.4Vatano wugoeno rinai nawamo,koveamo usamane ti wansuk muno unanajibe.
5Vatan tenambe ude ubeaje Amisye Winai nawamo,koveamo mananibe muno manayanambe weye ube intabove Nai.Vatano mansanuga no Amisye Winai weye Nyo mapaya kakai rai nawamo,koveamo wo raura tutir ware: ‘‘Tugae, Amisy Opirati titi rave!’’6Weramu risyamo vatano no irati siuri rai muno sya ana jajewembe rinai;weti sya Amisy, syare nyavave ra nde!Indamu Nyo sopambe rinai muno Nyo inapaya irati rai,weti sya AMISY, syare vemo maneai nora!
expand_more
Search