MASMUR128yva_tbl
Kovo maje irati yavaruga rai
1Ransyerano Israel ukiny dai arono wanya usea no Yavaro Amisy no Yerusalem.Kove ngkov irati vatano are nawirati wo AMISY asyanive mai,muno ubeto irati Apa ananyao obo rai mai.2Winyamo indati nyisyisyo nya anakero ndaijare ama ine rai,muno indati nanayanambe, wino kovo ngko dave obo rai.3Nya wanya mamo maisyare anggurije moto ama mane manui ramaisy,indati mo arikainye wanui mavaki no nya yavaruga rai.Nya arikainye nanawamo indati wanui, utantuna nya tewa rakijani,maisyare inyo saitun ama kamine manui ntubai rakijani ramaisy.4Maisyare omaisy tavon anya are pirati po AMISY asyaniv,indati Po kove raugaje ai.5Syare AMISY no no Sion Po kove raugaje irati nai,syare Po kovo ngko dave raugaje Yerusalem raiindamu nyo raen arono ta wingkove so.6Syare indati nya tume nggwaravainyindamu ntuna nyo nya arikainye, ajavi mansaen.Syare kovo saumane ntami vatano Israel wansai.