Wana kovo saumane rai no Amisye anem uga
1Ransyerano Israel ukiny dai arono wanya usea no Yavar Amisy no Yerusalem.Vatano wanave AMISY Ai onawamo maisyare unato Sion mangkiki kakai,nteto tindimuve tawan tutira nuge nuganui.2Maisyare papukame mo Yerusalem rayan kijani,omai tavon AMISY Po Apa kawasae mayan kijani Apa vambunine rai,arono naiso ntoa nuge nuganui.3Vatano mamun indati ube akarivea nugoenta rave jewen,no kopa AMISY Po raosoro vatano kove mai rai,wirati vemo vatano kove utavondi wo anakotaro ngkakai rave tavon nora.4Sya AMISY, syare Winyo kove raugaje irati vatano kove mai,onawamo vatano utavondi Nya bekere rai nanawije.5Yara vatano wo Nya unanuije rapaya ti ntami, wakata no unanuijo kakai nsosobe rai,koveamo AMISY Winyo mangke raugaje mansaijo vatano mamune mautan tenambe.Kovo saumane ntami Israel wansai!