MASMUR120yva_tbl
Amisye anajo indamu Po inapaya irati vatano aarurijate mansai
1Ransyerano Israel ukiny dai arono wanya usea no Yavaro Amisy no Yerusalem.Syo AMISY awain arono rino irati ana nsosobe ama uga rai,muno Po sya ana danajo raveti mamaisy.2Sya AMISY, syare Nyo inapaya irati vatano wo aarurijate raker,muno wo anapamponae ratore mai.3Inya, vatano wasaunane mansake weap, animaisye mi indati Amisye Po raugaje ratutumbe tavono wasai?Muno mangke mbetai ruimaisye mirati indati Po raugaje wasai?4Wepi Po naite maveti wo ato nsasiu veano wasaivuiny,muno nuja ama nene nsundive rave veano wasamer.5Wakoe, kakaije nde rinai weye rino vatano wanave Amisye Ai jewene matavon,maisyare vatano mamun Mesek muno Kedar awa yasyine wemaisy.6Ntoa nugoenta rave to,rino irati vatano wonae kovo saumane rai umaso matavon.7Risyamo ibekero kovo saumane rai, weramu ranivara syayao dai,weamo onawamo ubekero ivuinye obo rai.