MASMUR110yva_tbl
Amisye Po kove raugaje akarijo titi Israel ai
1Masmur Daud po ratoe.AMISY Po raura nanto sya Akarijo Titi ai pare:‘‘Nyaje ntuna no inanem ngkove rai javaSyo nya marova maveaje utantuna no najo ate raiindamu wimbe akarive mai.’’2Nai munijo Sion, AMISY Po nya vambunino mbe akarive raneka ti nyo munijo kai raijanande tenambe,syare wimbe akarive irati nya marova mai tenambe!3Masyoto arono winde irati nya vambunino mbe akarive rautan,no unato ndandinit,weamo nya kawasae nawamo umayar ti ubesea ude.Maisyare aakop arono awatan ngkove wemaisy,winde irati nya vambunino kamurame rautan.4AMISY purairive to, muno Apa urairi mamo Po ranigwane ramu, yara teto rai tawan,pare: ‘‘Winyirati nawaino syene raija ntoa nuge nuganui, maisyare Melkisedek amaisy.’’5AMISY Opirati te no nanem ngkove rai,arono masyoto Apa parijo mangke nde, weamo Po akarijo titi makupi vintabo.6Po mangke raude susye kotaro wanave Ai jewene mai,weti ugwenen muno awa koke mamo randaraive ti ntuna,muno vatano akokoe mine so nawamo Po makupi vintabo.7Yara akarijo titi pamo po mana ramanam no mana njam no unanuije tuga rai,weti bambunin akato muno po anasineko.