Read ƐBƐLYƆ 1

ƐBƐLYƆ1yns_tsc

Nzam kàyäämà u mbwo a Mwan ande

¹Itaan, Nzam kàyäämà anà ankaa abi, mbalà mbɔɔn, u ntɛɛn yà ifà ifà, u mbwo a aŋangɔɔm.²Wɛɛ apanà, u paŋà a ntsüü ibà bi là, nde kàyääm anà bi u mbwo a Mwan awà kàsi nde ŋakwal a indiir byanswà, u mbwo a nde sye nde kàkyer mɛɛn manswà.³Mwan awà wà pɛɛlà a làkoo ande anà idiim muswaŋ naa Nzam wà aben, anà nde afàkaar indiir byanswà unsà ngwal a ndaa ande. Ungö mupöŋ man'be a baar, nde kàkàbwaay u du u kɔɔ a ibaal a Nzam aŋàsöön ngwal yanswà.⁴Mwan kàbulà wàŋàsöön akyeey, waa Nzam kun'pɛ ikɔb aŋàsöönà kyà ba.

Mwan a Nzam wàŋàsöönà akyeey

⁵Kyakin, nde kàtɛn anki akà ikikye akà un'kyeey mwɛy naa:« Ngye awà Mwan amɛ,mɛ amàbɔr ŋàbà. »Anà sye:« Mɛ in'yàkal Taaràndeanà nde ayàkal Mwan amɛ. »⁶Wɛɛ, umpal ubiil nde nswɛm u mɛɛn, nde kan'tɛn naa:« Wɛy akyeey a Nzam banswà bun'kömà. »⁷Ntɔn akyeey, nde kan'tɛn naa:« Nde akyeey ande afabuul an'dweelà,anà asyääl ande làlem a mbaa. »⁸Wɛɛ ntɔn Mwan, nde kan'tɛn naa:« Kir angye là imwol, Nzam, làŋàsà ntɔn mbul a in'tye,ngye imwol angye afàyaal a swalaa.⁹Ngye kàkwen balàbal anà kàyiiŋ ube,kyakin Nzam, Nzam angye,kàtsüül nde may a un'kyɔmaŋàsöön atɔŋ angye. »¹⁰Nde an'fàtɛn sye naa:« Inye, Mwol, u nsɛmà ngye kàsi in'bään a mɛɛn,du là isal a an'kɔɔ angye.¹¹Bya byàkyer asàkwà, wɛɛ ngye, ngye awe anà mɔ̈ɔ̈.Bya byanswà byàsànün asànaa ipfɛy,¹²ngye asabwɛlà asànaa ufàbwɛlà kàzak,ngye asasɔɔm asànaa ipfɛy.Wɛɛ ngye, ngye awà ifà imwɛy, mbul angye isàwà anki. »¹³Nzam kàtɛn anki akà un'kyeey ande mwɛy naa:« Bwaay u kɔɔ amɛ là ibaal,tii mpal in'sàsà mɛ ayiiŋ angyeungyɛl in'kɔl angye. »¹⁴
Kyekà akyeey bà an'dweelà unsà isal a Nzam. Nde afatɔm musyääl baar bàsàwal kwal a mɔ̈ɔ̈.

ƐBƐLYƆ 1 / yns_tsc

Nzam kàyäämà u mbwo a Mwan ande

Mwan a Nzam wàŋàsöönà akyeey

ƐBƐLYƆ1yns_tsc