Divrei Hayamim Alef10
1un di Pelishtim hobn milchome gehaltn mit Yisroel, un di mener fun Yisroel zainen antlofn far di Pelishtim, un zei zainen gefaln dershlogene oifn barg Gilboa.2un di Pelishtim hobn nochgeyogt Shauln un zaine zin, un di Pelishtim hobn dershlogn Yonatan, un Avinadav, un Malki-Shua, di zin fun Shauln.3un di milchome iz geven shver akegn Shauln, un di boignshisers hobn im gefunen, un er hot getsitert far di shisers.4un Shaul hot gezogt tsu zain vafntreger: tsi arois dain shverd, un dershtech mich mit ir, az di dozike umbashnitene zoln nisht kumen, un machn geshpet iber mir. ober zain vafntreger hot nisht gevolt, vorem er hot zeyer moire gehat. hot Shaul genumen di shverd, un iz aroifgefaln oif ir.5un vi zain vafntreger hot gezen, az Shaul iz geshtorbn, iz er oich aroifgefaln oif zain shverd, un iz geshtorbn.6azoi iz geshtorbn Shaul; un zaine drai zin un zain gants hoizgezint in einem zainen geshtorbn.7un vi ale mener fun Yisroel vos in tal hobn gezen, az yene zainen antlofn, un az Shaul un zaine zin zainen toit, azoi hobn zei farlozen zeyere shtet, un zainen antlofn. un di Pelishtim zainen gekumen, un hobn zich in zei bazetst.8un es iz geven oif morgn, zainen di Pelishtim gekumen oiston di dershlogene, un zei hobn gefunen Shauln un zaine drai zin, gefaln oifn barg Gilboa.9hobn zei im oisgeton, un hobn genumen zain kop, un zaine vafn, un geshikt in land fun di Pelishtim rund arum, tsu brengen di besoire tsu zeyere getsnbilder un tsum folk.10un zei hobn avekgeleigt zaine vafn in hoiz fun zeyere g‑ter, un zain sharbn hobn zei oifgeshtochn in hoiz fun Dagon.11un gants Yavesh-Gilad hot gehert alts vos di Pelishtim hobn geton tsu Shauln,12un ale heldishe lait zainen oifgeshtanen, un zei hobn genumen dem laib fun Shauln, un di laiber fun zaine zin, un zei gebracht kein Yaveish; un zei hobn bagrobn zeyere beiner unter dem eichnboim in Yaveish; un zei hobn gefast zibn teg.13un Shaul iz geshtorbn far zain felshung vos er hot gefelsht on Hashem fun vegen dem vort fun Hashem vos er hot nisht gehit, un oich far vos Shaul hot gefregt bai a gaist tsu forshn bai im,14un nisht gefregt bai Hashem; derum hot er im geteit, un hot opgekert di meluche tsu Dovid dem zun fun Yishaien.
Artists for Israel International