JEREMIAH9yap_bsm

1Gu be finey ni gomang e lolgeg e ba luwed ko ran,ma lan owcheg e ba athang’el ko lu’,ya nge yag ni gu yor ni rran nge nep’ni bochan e girdi’ rog ni kan thang e pogofan rorad.2Gu be finey ni gomang e bay bang u daken ted ni desert ni gu ra par ngayko gin gu ra palog ko girdi’ rog riy.Yad gubin ni derir yul’yul’gad,ba ulung i kireb.3Gubin ngiyal’ ma ka ra fal’eged rograd ni ngar sasalapiyed l’ugunrad,gathi tin rriyul’ ya tin sasalap e be gagiyegnag daken e nam.I SOMOL e be ga’ar,“Girdi’ rog e yad be ngongliy e kireb nib ul ul reb nga rebma dariy e ngarogned ni gag e Got rorad.”
4Gubin e girdi’ ni dabisiy ni ngar kol ayuwgad ko pi fager rorad,ma dariy be’ nrayag ni pagan’ ngak pi girdi’en;ya gubin pibe’ rok ni yad ba sasalap,ma gubin e girdi’ nma tunguy e thin nga daken e fager rok nge kirebnag murung’agen.5Yad gubin ni yad ma dum’puman ko fager rorad,dariy be’ nma yog e tin rriyul’.Ka ra filed nga balothrad ni ngi i ban;ma dab ra pithiged pa’rad ko denen ni yad be ngongliy.Ra bagyad ma ke par ni go’ ma’ngach e be tay,ma aram rogon e ngongol nike ul ul reb e sasalap nga reb.I SOMOL e be yog ni girdi’ rok e ka ra pi’ed keru’rad ngak.7Bochan e ran’ey me ga’ar SOMOL ni Gubin ma Rayag Rok,“Bay gu machalbognag e girdi’ rog ni bod e wasaynggu sikeng nagrad.Girdi rog e ka ra ngongliyed e kireb —mang e kabay ni nggu rin’ ngorad?8Bolowothrad e bod gan e gat’ing ni yira yim’ riy;gubin ngiyal’ ni yad ma lufith l’ugunrad.Yad gubin ni yad ma non nib simnguy ko en ni yad bbuguliyoror,ma bin rriyul’ e yad be tay e wup ni ngar awgad ngay.9Gur dab gu gechig nagrad ni fan e pin’ey?Gur dab gu falbayen ba nam ni aray rogon?I Gag SOMOL e gu be non.”
10Me gag Jeremiah e gu be ga’ar, “Bayi gafgowan’ug ko fapi burey,mu gu yornag e yungi tagil’ e abich ko gamanman;ya ke yim’ e pan riy,dakuriy be’ ni be milekag riy.Dakunir rung’ag laman e garbaw riy;arche’ nge gamanman ni malboch e kar milgad kar chuwgad riy.”
11I SOMOL e be ga’ar, “Bay gu gagiyegnag yu Jerusalem nge par nike puth e naun riy,nge yan i par ni bangi ban’en nike tafnay e gamanman ni jackal;pi binaw nu Judah e bayi par nike bod e ted ni desert,ni dakriy be’ riy.”
12Mu gu fith nug ga’ar, “SOMOL, mangfan nike kireb e binaw ke par ndariy e ran riy ni bod daken e ted ni desert, ni dakuriy be’ ni be milekag riy? I mini’ e ba gaman e gonop rok nra nang fan e biney e pa’? I mini’ e ka mu weliy fan ngak nrayag ni nge weliy ngak boch e girdi’?”13Me fulweg SOMOL ni ga’ar, “Ke yodoroy ni bochan e tirog e girdi’ e ka ra n’iged e tin ni gu machibnag ngorad. Dar folgad rog ma dar rin’ed e tin gog ngorad ni ngar rin’ed.14Ya ra gel niged lanin’rad ngu’ur meybilgad ngak fapi liyos ni fan ngak fare liyos ni Baal, ni bod rogon nike fil pi chitamangirad ngorad ni ngu’ur rin’ed.15Ere mu telmed ko tin bay gu rin’ I Gag fare SOMOL ni Gubin ma Rayag Rok, ni gag fare Got nu Israel. Bay gu pi’ ngak e tirog e girdi’ e woldug nib mo’oy ngar ked, nge ran ni bay e yub riy ngar unumed.16Mu gu weregrad ko pi nam i yan, ni bogi nam ni yad nge pi chitamangirad ni kakrom e dawor rrung’aged murung’agen; ma bay gu pi’ yu raba’ i salthaw ngi i cham ngorad nge yan i mada’ ko ngiyal’ ni kug thirifrad u but’.”

Girdi’ nu Jerusalem nra yor niged e ayuw ngalang

17SOMOL ni Gubin ma Rayag Rok e be ga’ar,“Mu leam niged e n’en ke buch!Mu pininged girdi’en e dololoy’ ngarbad,ni pi’in ni ppin ni yad ma yin’ tangin e tayam’.”
18Be ga’ar e girdi’,“Mogned ngorad ngar gurgad nga ron’ed ba tangin e gum’eyag ni fenmad,nge mada’ ko ngiyal’ nike sug lan owchemad ko lu’,ma ke munur owchemad ko meyor.”
19Mu telmed nga laman e meyor ni yibe tay u lan yu Zion ni be lunguy,“Kan thirifdad u but’!Kad pired ni kari m’ay fadad!Thingar da chuwgad ko nam rodad;pi naun rodad e ka ni buthug nga but’.”
20Mug ga’ar,“Gimed e ppin, mu telmed ngak SOMOL,mu uthumed telmed ko thin ni be yog.Mu filed ngak pifakmed ni ppin rogon ni ngar dololoy’gad,ma ku er i tay e pi tafager romed ni ngam filed ngorad i yin’ ba tangin e gum’eyag.21Yam’ e ke yib u langan e pi winda rodad nga naun,ke yib nga naun ko pi pilung rodad;ke thang owchen e bitir ni be fafel u kanawo’nge pi’in ni pagel ni yad bay ko yungi tagil’ e market.22Girdi’ nike yim’ e ke wagey u gubin yangni bod t’ay e gamanman u daken e pi flang,ni bod e grain ni th’ab e pi’in nma th’ab ngar paged u but’,ni dariy be’ nra yib i kunuy.Irera’ e thin nike yog SOMOL ngog ni nggu weliy.”
23Be ga’ar SOMOL,“En nib gonop e dabi uf ko gonop rok,ma en nib yargel e dabi uf nga gelngin,ma en nib pire’ ban’en rok e dabi uf ko fel’ rogon rok.24Fa’anra ba’adag be’ ni nge ufma nge uf ni bochan e manangeg ni bfel’ rogog,nge bochan e t’ufeg rog ni dabimus,ma gu ma rin’ e tin nib yal’uw nge tin nib mat’aw.Irera’ e pin’en ni bfel’ u wun’ug.I Gag SOMOL e kugog e pi thin ney.”
25I SOMOL e be ga’ar, “Bayi taw nga bangiyal’ ni bay gu gechignag e girdi’ nu Egypt, Judah, Edom, Ammon, Moab, nge girdi’ nu daken e ted, ni kar th’abed piyen lelugenrad ke ngoch. Gubin e pi girdi’ ney ni ka ni maad’ad nagrad ni bod ni yog e motochiyel rok Moses, machane darir ayweged fare m’ag ni pow riy e ram. Dariy reb e pi girdi’ ney fa reb e girdi’ nu Israel nma tay fare m’ag u gil’.”
expand_more
Search