Rogon ni ngan yibley Aron nge pi pumo’on ni pifak ngar manged prist
1“Ba’aray e n’en ni ngam rin’ ngak Aron nge pifak ni pumo’on ni ngam ognagrad ngog, ya ngar manged e prist ngu’ur pigpiggad rog. Mu fek ba fak e garbaw ni pumo’on nge l’agruw e fak e saf ni pumo’on ndariy bang u dowrad nib kireb.2Mag fanay e tin th’abi fel’ e flourni wheat ndariy e is riy, mag ngongliy boch e flowa ni bay e gapgep ni olive riy, nge boch ndariy riy, nge boch e flowa ni bod e kek nib gilgith ni kan achey e gapgep ngay.3Mag af e pi flowa nem ngalan ba dug ngam ognag ngog u nap’an ni ngam pi’ fare fak e garbaw ni pumo’on nge fa gal fak e saf ni pumo’on ni maligach ngog.4“Mag fek Aron nge fapi pumo’on ni fak i yib nga langan e mab ko fare Tent u p’eowcheg, mag luk nagrad ngar machalboggad.5Ma aram magon madan e prist nga daken Aron, fare kenggin, nge fare wuru’ e mad nib n’uw nma yan fare efod nga daken, nge fare gi mad ni fen daken ngorngorey, nge leed.6Mag tay fare turban nga lolgen ni bay fare madelia nib gol u peri’ ni kan ker nga daken fare thin ni ga’ar, ‘Kan ognag ngak SOMOL’.7Mag fek fare gapgep ni fen e mathiy ngam pu’og nga lolgen mag liyef ngay.8“Mu kum fek pifak ni pumo’on nga mon’ nga dakenrad fapi kenggin e mad;9mag m’ag e leed nga lukngurad mag tay fapi urwach nga lolugrad. Aram rogon ni ngam ognag Aron nge pifak ni pumo’on. Yad nge pi’in owcharad e ngu’ur pigpiggad rog ni prist ni manemus.10“Mag fek fare garbaw ni pumo’on nga m’on ko fare Tent u p’eowcheg, ma gog ngak Aron nge pi pumo’on ni fak ngar ted pa’rad nga daken lolugen.11Mag li’ nge yim’ fare garbaw ni pumo’on, u rom u p’eowcheg ni arame gin gubay riy nib thothup, u langan e mab ko fare Tent.12Mag fek boch u racha’en fare garbaw nga bugulipa’am ngam tay ko fa aningeg i gagey ko fare altar. Ma tin ke magay riy mag pu’og nga enggin fare altar.13Me migid mag fek gubin yang e mam nib ing gil’iggan fare gamanman, nge gin th’abi fel’ ko ad riy, nge fagal bu’oy nib mu’un e mam riy ngay, mag urfiy e pin’ey u daken e altar nib maligach ngog.14Machane, ngam urfiy ufin fare garbaw, nge bayachen, nge gil’iggan u wuru’ e gin gimed be par riy. Biney e ba maligach ni nge chuweg e denen ko pi prist.15“Ma aram mag fek reb fa gali saf ni pumo’on mag gog ngak Aron nge pi pumo’on ni fak ngar ted pa’rad nga daken lolugen.16Mag li’ e re saf nem nge yim’, mag fek e racha’ riy ngam atngiy nga daken gubin raba’ fare altar.17Mag theth’ab fare saf nge achig yang; mag luknag gathogthon nge ay, nge yungin ni kabay riy ngam tay nga daken lolgen fare saf.18Mag urfiy fare saf ni pumo’on nib polo’ u daken e altar ni aram e ba maligach ni ggan. Ma bon e re maligach ney e bfel’ u wun’ug.19“Mag fek fa bin kabay e saf ni pumo’on, ma gog ngak Aron nge pi pumo’on ni fak ngar ted pa’rad nga daken lolugen.20Mag li’ nge yim’, mag fek boch u racha’en ngam thiy nga ba’ ni mat’aw i yuwantel Aron nge fapi pumo’on ni fak, nge ba’ ni mat’aw u bugul ni ga’ i pa’rad, nge ba’ ni mat’aw u bugul ni ga’ i ayrad. Mag yin’ e tin kabay ko fapi racha’ nga daken gubin raba’ fare altar.21Mag fek boch fapi racha’ ni bay u daken e altar nge boch ko fare gapgep ni fen e mathiy, ngam atngiy nga daken Aron nge pifak ni pumo’on nge mad rorad. Aron nge pifak ni pumo’on nge mad rorad e go’ nge tabgul ni ngan og nagrad ngog.22“Mag th’ab ngam luf e mam ko fare saf ni pumo’on, nge pachan nib mam, nge mam nib ing gathogthon, nge gin th’abi fel’ ko ad riy, nge fa gali bu’oy rok nib mu’un e mam riy ngay, nge ba’ ni mat’aw i daken ay.23Fare dug i flowa nni ognag ngog, e ngam fek reb e lof u bmit ngu bmit: reb e flowa ni kan ngongliy ko gapgep ni olive nge reb ndariy e gapgep ni olive riy nge reb ni bod ba kek ni ba gilgith.24Mag tay gubin e pi ggan ney ngalan pa’ Aron nge pifak ni pumo’on, miyad ognag ngog, ni aram ba tow’ath nib mal’eag.25Mag fek rorad ngam urfiy u daken e altar, ni bay u daken fare maligach ni mo’oruf, ni aram e ba ggan ni kan ognag ngog. Ma bon e re maligach ney e bfel’ u wun’ug.26“Mag fek e ufin u daken ngorngoren e re saf ney ngam ognag ngog nib tow’ath nib mal’eag. Ma giney ko fare gamanman e nge par rom.27“Nap’an nra ni yiblay be’ ni nge mang reb e prist, ma ufin u daken ngorngoren nge daken ay fare saf ni pumo’on nni fanay ko ngiyal’ nyiblay facha’ e ngan ognag ngog nib tow’ath nib mal’eag, min fael ngabang nike par rok fapi prist.28Ke par riy ni arrogon, nap’an nra ognag e girdi’ rog e pi maligach ni nge gapaseg thilig nge girdi’ rog, ma ufin u daken ngorngoren nge daken ay fare gamanman e f’oth ko prist. Ireray e tow’ath rok e girdi’ ngog, I Gag SOMOL.29“Fapi madan e prist rok Aron e nap’an nra yim’ ma ngan pi’ ngak pifak ni pumo’on ni fan ngorad ni nga ron’ed u nap’an ni ngan gapgep nagrad ni ngan yibleyrad.30Re mo’on ni fak Aron nra yin’ luwan ko prist e nge yin’ e pi mad ney, nge yan ngalan fare Tent u p’eowcheg ni nge pigpig u lan e Gin ba Thothup e thangri yin’ e pi mad ney nga daken ni medlip e rran.31“Mag fek ufin fare saf ni pumo’on nni fanay u nap’an nni gapgepnag Aron nge pifak ni pumo’on ni yibe ognagrad, mag lith u bang nib tabgul.32U langan e mab ko fare Tent u p’eowcheg e ngar ked riy ngar th’aged ko flowa nike aw u lan fare dug.33Yad ra kay e pin’en nni pi’ ni bayul rorad ko ngiyal’ nni gapgep nagrad, ni yibe og nagrad ni aram e kar tabgulgad. Kemus ni prist e ra kay e pi ggan ney, ya ba tabgul.34Mra reb e rran riy ni kadbul ma tin ke magey ni dan kay ko ufin nge flowa e ngan orfeg, ri dab ni kay ya ba thothup.35“Mu rin’ ngak Aron nge pifak ni pumo’on nrogon ni kugog ngom ni gubin, ni medlip e rran ni ngam bengbengnag gam’ingrad ni aram e ngar manged prist.36Gubin e rran ni thingar mu pi’ ba garbaw ni pumo’on ni maligach ni bayul ko denen. Ren’ey e ra machalbognag fare altar. Ma aram mag gapgepnag ko gapgep ni olive ni nge thothup.37Mu rin’ed e ran’ey ni gubin e rran ni medlip fen. Ma aram e fare altar e ra polo’ feni thothup, mra math be’ ngay ara ban’en mra fek machan nga gelngin feni thothup.
Maligach ko yu rran
38“Chiney i yan ngaram e gubin e rran ni ngu’um pi’ ni maligach u daken fare altar l’agruw i pifak e saf ni ta’reb e duw rorow.39Reb e gali pifak e saf ney e ngam pi’ ni maligach ni kadbul ma reb e blayal’.40Bin som’on ko gali fak e saf ni ngan pi’ ni maligach e yira chagiy l’agruw e pawn e flour ni wheat ni kan athkuy ta’reb e quart e gapgep ni olive ngay. Ma ga pu’og ta’reb e quart e wayin nga but’ ni aram e kan ognag ngog.41Me blayal’ mu kum pi’ e bin kabay e saf ni maligach, ni ku ta’reb oren e flour, nge gapgep ni olive, nge wayin riy ni bod e bin kadbul. Ran’ey e ba ggan ni ngan ognag ngog, I Gag SOMOL, ma bon e re maligach ney e bfel’ u wun’ug.42Aram e chiney i yan ngaram e ngu’un pi’ e re maligach ni mo’oruf ney u p’eowcheg u langan fare Tent. Aram e gin ni gu ra mada’nag e girdi’ rog ngay mug non ngom.43U rom e bay gu mada’nag e girdi’ nu Israel ngay, ma fare ram’en e maluplup ko gin gu bay riy e ra thothupnag e gin’em.44Bay gu tay fare Tent nge fare altar nib thothup, ma bay gu fael Aron ngabang nge pifak ni pumo’on ni ngar pigpiggad rog ni prist.45Bay gu par u fithik’ e girdi’ nu Israel, ma bay gu mang Got rorad.46Bay ra nanged ni Gag SOMOL ni Got rorad ni gu fekrad nga wuru’ yu Egypt, ya nge yag ni gu par u fithik’rad. I Gag SOMOL ni Got rorad.