1Taxamaseri gbeena nde yi mini kore: ɲaxanlamaxidixin sogeni, kikena a sanna bun ma, mangaya kɔmɔti taxamasenna soxi a xun na sare fu nun firin yi naxan ma.2A fudikanna nan yi a ra, a gbelegbelema dii barin sɔxɔlɛni.3Taxamaseri gbɛtɛ yi mini kore: Ninginanga gbeeli gbeennan yi na ra, xun solofere yi a ma e nun feri fu, mangaya kɔmɔti taxamasenna yi soxi a xun soloferene birin na.4Sareneyitaxunxin dɔxɔde saxanna ra, a yi na keden bandun kore a xunla ra, a yi e rayolon bɔxɔni. Ɲaxanla naxan yi diin barima, ninginangan yi sa ti na yɛtagi alogo a xa a diin don a na a bari waxatin naxan yi.5Ɲaxanla yi dii xɛmɛn bari, naxan mangaya xɔdɛxɛn ligama siyane birin xun na a manga wure dunganna ra. Koni a dii xɛmɛn yi rate kore Ala nun a manga gbɛdɛn fɛma.6Ɲaxanla yi a gi, a siga tonbonni Ala dɛnaxan yitɔnxi a xa, alogo a xa sa balo na han xi wuli keden kɛmɛ firin xi tonge sennin.7Nayi, yɛngɛ gbeen yi keli kore xɔnna ma. Malekan Mikeli nun a malekane yi na ninginangan yɛngɛ. Ninginangan nun a malekane fan yi yɛngɛn soma.8Koni a mi nɔ sɔtɔ, dɔxɔde mi fa lu e xa kore xɔnna ma.9E yi ninginanga gbeen woli bɔxɔni, saɲi fonna, naxan xili Yinna Mangana hanma Setana, naxan dunuɲa muxune birin mayendenma. E nun a malekane birin yi rawoli ayi bɔxɔ xɔnna ma.10Nayi, n yi fala xui gbeena nde mɛ keli kore, a naxa,“Iki, en ma Alaa kisin nun a sɛnbɛnnun a mangayaan waxatin bata a li,e nun a Muxu Sugandixina sɛnbɛna.Amasɔtɔ en ngaxakedenne kansun muxun bata woli bɔxɔni,naxan yi e kansunma kɔɛɛn nun yanyin naen ma Ala xa.11E yi a nɔ Yɛxɛɛ Diin wunlanun e sereya falan xɔn,e mi e yɛtɛ niin natanga,e tin sayaan ma.12Nanara, ɛ tan naxanye kore xɔnna ma,ɛ sɛwa.Koni gbalon bɔxɔ xɔnna nun fɔxɔ igen xa,bayo Yinna Manga Setana xaɲɛxin bata godo ɛ fɛma,amasɔtɔ a kolon a waxati xunkuye mi a xa.”13Ninginangan to a to, a bata rawoli ayi bɔxɔn ma, ɲaxanla naxan dii xɛmɛn bari, a yi na sagatan fɔlɔ.14Nayi, gubugubune yi so ɲaxanla yii alo singbin gbeen gubugubune alogo a xa tugan a siga han dɛnaxan sa yitɔnxi a xa tonbonni, a sa baloma dɛnaxan yi ɲɛɛ saxan e nun a tagi, a yi tanga saɲin ma.15Nayi, saɲin yi igen baxun ɲaxanla fɔxɔ ra alo baana, alogo baan walanna xa a xali.16Koni bɔxɔ xɔnna yi ɲaxanla mali, a yi rabi, a yi igen min ninginangan naxan baxun ɲaxanla fɔxɔ ra.17Ninginangan yi xɔlɔ ɲaxanla ma kati! A yi siga ɲaxanla bɔnsɔn dɔnxɛne yɛngɛdeni, naxanye Alaa yamarine suxuma, e nun naxanye Yesu a fe sereyaan bama.18Ninginangan yi sa ti fɔxɔ igen dɛ.