1Nabi Musa, Alaa xɛrana maxandina.Marigina, i tan nan findixi nxu yigiyaden na,keli waxati danguxine ma han habadan.2Benun geyane xa da,benun bɔxɔ xɔnna nun dunuɲa yɛtɛɛn xa da,xabu a fɔlɔni, han to,han habadan i tan nan Ala ra.3I tan nan muxune raxɛtɛma bɛndɛni,i yi a fala, i naxa,“Adamadiine, ɛ xɛtɛ ɛ kelideni.”4Bayo ɲɛɛ wuli kedenna luxi nɛn i yɛɛ ra yialo xii keden danguxina,alo kɔɛ kedenna.5I tan nan muxun niin bama,a dangu alo xɔtɔn ma xixɔnla,alo sɛxɛn naxan solima.6Xɔtɔnni, a ɲingi, a sabati,ɲinbanna na maso,a lisi a ra, a xara.7I ya xɔlɔna nxu yigitɛgɛma nɛn,a yi nxu ɲan.8I bata nxu hakɛne sa i yɛtagi.I bata nxɔ wundo yulubine birin sa kɛnɛnni.9Nxu siin ɲanma nɛn i ya xɔlɔn bun ma.Nxu nxɔ siimayaan toon ɲanɲɛalo kutunna.10Yanyina nde nxɔ siimayana,ɲɛɛ tonge solofere nan tun a ra.Xa a xunkuya ayi,ɲɛɛ tonge solomasɛxɛ.Koni lanbaranna nun tɔrɔn nan ne birin na.A ɲanma nɛn xulɛn, nxu faxa.11Nde nɔɛ i ya xɔlɔn sɛnbɛn kolonɲɛ,a yi i binyalan i ya xɔlɔn yatɛn ma?12Nxu xaran nxɔ siimayaan tɛngɛ,alogo nxu xa sigan ti fe kolonni.13Alatala, i ya xɔlɔn ɲanma waxatin mundun yi?Kininkinin nxu tan i ya konyine ma.14Nxu ralugo i ya hinanni xɔtɔn yo xɔtɔn.Nanara, nxu bɛtin bɛ,nxu sɛwa nxu siin birin yi.15Nxu bata lu yagini waxati xunkuye.Awa, iki sɛwa ɲɛɛne fi nxu manxu naxan xasabi ligaxi tɔrɔni.16Nxu tan i ya konyine xa i ya wali gbeene to.Nxɔ diine xa i ya binye magaxuxin to.17Marigina nxɔ Ala,i ya fanna xa lu nxu xɔn.Nxɔ wanle rasɔnɔya nxu xa,yandi nxɔ wanle rasɔnɔya nxu xa.