Yatɛne Sora24yal_pbt
1Balami yi a to fa fala a yi rafan Alatala ma a xa duba Isirayila xa. Nayi, a mi kɔɛraya feene rawali alo waxatin danguxine yi. Koni a yi a yɛɛ rafindi tonbonna binni.2Balami to a yɛɛne rakeli, a yi Isirayila kaane to malanxi bɔnsɔn yɛɛn ma. Nayi, Alaa Nii Sariɲanxin yi godo a ma.3Balami yi waliyiya falane ti, a naxa,N tan Balami, Beyori a dii xɛmɛna,n tan naxan feene fixɛn toma,n ma falan ni i ra:4N ni ito nan falama,n tan naxan Alaa falane mɛma,naxan fe toon tima alo xiyenefata Ala Sɛnbɛ Kanna ra,naxan a xinbi sinma,a yɛɛne yi rabi.5Yaxuba bɔnsɔnna,ɛ tan Isirayila kaane!Ɛ dɔxɔdene tofan!6E wuya bɔxɔn fari alo baane,alo nakɔne baan dɛ,alo Alatala sansi xiri faɲin naxanye sixi,alo suman wudine igene dɛ.7E ige ramaradene rafema nɛn ken!E sansine ige sa a faɲin na!E mangan gboma nɛn Manga Agaga xa,a mangayaan sɛnbɛn gboma ayi nɛn.8Ala nan faxi e rasa keli Misiran yi,a nɔɔn tima e xaalo burunna ɲingena.E siyane nɔma nɛnnaxanye e yɛngɛma,e yi e bun e xalimakunle ra,e yi e xɔnne yigira.9E e sama nɛn alo yatane.Nde susuɛ e rakelɛ?Naxan na duba i xa,Ala xa na kanna baraka!Naxan na i danga,Ala xa na kanna danga!10Balaki yi xɔlɔ Balami ma han! A yi a yiine bɔnbɔ, a yi a fala Balami xa, a naxa, “N ni i xilixi nɛn alogo i xa n yaxune danga, koni i tan bata duba e xa sanɲa ma saxan.11Iki keli be, siga i konni. N yi a ragidixi nɛn n xa i saren fi han, koni Alatala bata i kuma!”12Balami yi Balaki yabi, a naxa, “Anu, n na a fala nɛn i ya xɛrane xa, n naxa,13‘Hali Balaki a banxin so n yii naxan nafexi gbetin nun xɛmaan na, n mi nɔɛ Alatalaa yamarin matandɛ fefe ma. Alatala na naxan fala, fɔ n xa na nan fala.’14Awa iki, n bata siga n kon kaane fɛma. Koni ɛ tuli mati. N xa i rakolon siyani ito naxan ligama i ya yamaan na waxati famatɔni.”15Balami yi waliyiya falane ti, a naxa:N tan Balami, Beyori a dii xɛmɛna,n tan naxan feene fixɛn toma,n ma falan ni i ra:16N ni ito nan falama,n tan naxan Alaa falane mɛma,naxan Kore Xɔnna Ala wundo feene kolon,naxan fe toon tima alo xiyenafata Ala Sɛnbɛ Kanna ra,naxan a xinbi sinma,a yɛɛne yi rabi.17N na a toma,koni iki mi a ra.N na a toma,koni a mɔn makuya.Sarena nde minima nɛn Yaxuba bɔnsɔnni,mangan kelima nɛn Isirayila yamanani.A Moyaba yamanan mangane yɛngɛma nɛn,a Seti bɔnsɔnna nɔ.18A Edɔn yamanan tongoma nɛn,e nun Seyiri yamanana, a yaxuna.Koni Isirayila sɛnbɛn gboma ayi nɛn.19Nɔ tiin minima nɛn Yaxuba bɔnsɔnni,a yi e taane muxu dɔnxɛne raxɔri.20Balami yi Amalɛkine to. A yi waliyiya falan ti, a naxa:Amalɛki nan yi yamana singen na dunuɲa yi,koni dɔnxɛn na,a tununma nɛn habadan!21A mɔn yi Keni kaane to. A yi waliyiya falan ti, a naxa:I dɔxɔden natangaxi,alo xɔliin naxan a tɛɛn saxi faranna ra.22Koni Asuri na ɛ suxu konyiyani,Kenine ɲanma nɛn.23A mɔn yi waliyiya falan ti, a naxa:Ee! Ala na ito liga,nde luyɛ a nii ra?24Kunkine kelima nɛn Sipiri yi,e yi Asuri rayarabi, e nun Eberi.Koni e fan faxama nɛn.25Balami yi keli, a xɛtɛ a konni. Balaki fan yi siga.
No translations available.