1Alatala falani ito nan ti Nabi Yeremi xa lan Filisitine ma, benun Misiran mangan xa Gasa taan yɛngɛ:2Alatala ito nan falaxi, a naxa,“Walanne bata keli sogeteden kɔmɛnna ma,e luma nɛn alo fufana,e sa yamanan xun ma,e nun naxanye birin a yi,e nun taane nun e muxune.Yamaan sɔnxɔma nɛn,yamanan muxune birin yi gbelegbele.3Soone torone xuiin minima nɛn,yaxune yɛngɛ so wontorone gi xuine yi mɛ.Fafane mi e diine danxunma na lɔxɔnibayo e tunnaxɔlɔma e ma nɛn fefe!4Amasɔtɔ Filisiti yamanan birin naxɔri lɔxɔn bata a li,han muxu yo mi lunaxan Tire taan nun Sidɔn taan maliyɛ.Bayo Alatala Filisiti kaane halagima nɛn,yamaan dɔnxɛn naxan sa kelixi Kafatoro fɔxɔ ige tagi bɔxɔni.5Gasa kaane e xunna bima nɛn sununi,Asikalɔn taan yi yidundu.Ɛ tan yamaan muxu dɔnxɛn naxanye dɔxi mɛrɛmɛrɛne yi,ɛ luma ɛ yɛtɛ maxabɛ sununihan waxatin mundun yi?6Ɛ a falama nɛn, ɛ naxa,‘Ee! Alatalaa silanfanna luma nxu faxɛhan waxatin mundun yi?A xa so a tɛɛni,a danna sa faxan na,a raxara fa.’7Koni a xa a raxara di?Bayo Alatala nan yamarin fixia yɛngɛn xa keli Asikalɔn taan nun baan binna xili ma. ”