1Alatala yi a fala n xa, a naxa, “Hali Musa nun Samuyɛli fa ti n yɛtagi n solonadeni yamani ito xa, n mi kininkininɲɛ e ma. E kedi n yɛtagi, e xa siga!2Xa e a fala i xa, e naxa, ‘Nxu xa siga minɛn?’ I xa e yabi, i naxa, ‘Alatala ito nan falaxi, a naxa:Sayaan nagidixi naxanye ma,ne sayaan sɔtɔma nɛn!Naxanye faxama silanfanna ra,ne faxama nɛn!Fitina kamɛn nagidixi naxanye ma,ne kamɛma nɛn!Konyiyaan nagidixi naxanye ma,ne xalima nɛn konyiyani!’ ”3Alatalaa falan ni ito ra, a naxa, “N fitina feen sifa naanin nan nafama e xili ma: silanfanna yi e faxa, barene yi e yibɔ, xɔline nun burunna subene yi e don, e yi e ɲan.4N na e findima nɛn fe magaxuxin na bɔxɔ xɔnna yamanane birin xa, lan Yuda mangan Xesekiyaa dii xɛmɛn Manase kɛwanle ma a naxanye rabaxi Yerusalɛn taani.”
Ala mi fa kininkininma
5Ala naxa, “Nayi, nde kininkininma ɛ tan Yerusalɛn kaane ma?Nde a mawugama ɛ fe ra?Nde danguma ɛ xɔntɔnɲɛ?”6Alatalaa falan ni ito ra, a naxa,“Ɛ bata ɛ mɛ n na,ɛ lu xɛtɛ xanbin na.Nayi, n na n yiini tema nɛn ɛ xili ma,n yi ɛ halagi,bayo ɛ kininkinin mi fa n yi.7N na e fintanma nɛnalo se dagina yamanan taane so dɛɛne birin na.N yi e diine ba e yii,n yi n ma yamaan halagibayo e mi e xun xanbi soxi e kɛwanle yi.8N na a ligama nɛn kaɲa gilɛne yi wuya ayialo baan ɲɛmɛnsinna.N halagi tiin nafama nɛn e banxulanne ngane ma yanyi tagini,sanɲa ma kedenni,ɲaxankatan nun kui sanna yi e li.9Naxan bata dii solofere bari,na furama nɛn, a faxa.Kɔɛɛn yi so a ma yanyin na,a yagi, a xun sin.Naxanye na lu e nii ra,e yaxune yi fa ne raxɔri e silanfanne ra.”Alatalaa falan nan na ra.
Nabina mawugana
10Yeremi naxa,“Nna, gbalona n xabayo i bata n bari.Yamanan muxune birin n matandima,e yi n yɛngɛ!Doli so mi n na,n mɔn mi doli tongoxi,koni birin n dangama.”11Alatala yi a fala n xa, a naxa,“N na i xunbama nɛnalogo i xa fe faɲin sɔtɔ yati!N na i yaxune rafama nɛni mafandeni tɔrɔn nun gbalon waxatini yati!12Muxun nɔɛ wureni bolonɲɛ a yiin na ba,wuren naxan kelixi sogeteden kɔmɛnna ma hanma sulana?13Yuda kaane, n na ɛ hɛrisigɛne nun ɛ nafunle fima ɛ yaxune ma nɛn e yɛngɛ yi se tongoxine ra,masɔtɔ ɛ yulubine xɔn ɛ yamanan birin yi.14N bata ɛ so ɛ yaxune yii e konyine raɛ yi siga yamanani ɛ mi dɛnaxan kolon.N bata tɛɛn so ɛ xili ma n ma xɔlɔni.”15Yeremi naxa, “I tan, Alatala,i feene birin kolon.I miri n ma, i yi n mali,i yi n gbeen ɲɔxɔ n ɲaxankata muxune ra!I nama n faxa,i tan naxan mi xɔlɔma xulɛn!A kolon, n yagin masɔtɔma i tan nan ma fe ra!16I ya falane na yi n li tun,n yi e rasuxuma nɛn alo donsena,bayo i ya falane nan n nasɛwama,n yi ɲaxan n bɔɲɛni.Amasɔtɔ i xinla bata fala n xun ma,Alatala, Ala Sɛnbɛn Birin Kanna!17N mi dɔxi fuyantenne tagi batudeni.N yi luxi n danna nɛnbayo i sɛnbɛn yi n fari,bayo i n nafexi i ya xɔlɔn na.18Nanfera nayi n ma tɔrɔn dan mi na?Nanfera n ma furen mi yalanma?I luyɛ n xaalo tigin naxan xɔrima ba,muxun mi nɔɛ a xaxili tiyɛ naxan na?”19Nanara, Alatala ito nan falaxi, a naxa,“Xa i xun xɛtɛ n ma,n mɔn i tima nɛn i ya wanla ra n yɛtagi.Xa i fala kɛndɛne ti,i fala fuune lu na,i falan tima nɛn nayialo n yɛtɛɛn dɛ xuina.E tan nan fa xɛtɛma i ma,koni i tan xa mi xɛtɛma e tan ma de!20N na i findima nɛn yinna wure daxin na nayi,yamani ito yɛtagi,naxan mi nɔɛ rabirɛ.E i yɛngɛma nɛn,koni e mi i nɔɛ sese ma,bayo n na i fɔxɔ ra,n ni i rakisi, n yi i xɔrɔya.”Alatalaa falan nan na ra.21“N na i xunbama nɛn muxu ɲaxine yii,n yi i xɔrɔya gbalotɔne sɛnbɛn ma.”