1Nineveh, nika kager memek mungkala utu naguram.Nika kager kari ka wonong ko por ko sinar tamon,ale ka lage bitarmon,ale kager ko sokel ago la sanami muruwumon ale loaga sagamonko!2Yawe Jacob se Israel mu tam waenningo iwita, bare kager memek maguwu silati warman,wore aitak aking gi kuwim kuwim te nungok burangarukko tom.3Nineveh, kager ni kerak kagerarukkotaiso mu nunga kager ko karem mu diriyam,nunga kager ko guang mu diriyam tala.Se nunga karis ain te nunga mu, nikim tama iwita biliwilik bagoso,se nunga gatu tam aora te kisiman mu gurugusan patawusan.4Nunga karis mu daula tai kam lagekarosan ale wuli karogo namasan taisan.Nunga ariga mu galep nikim buluk buluk maso iwita,agi pure nikim bilik maso namoso taiso iwita.5Se Nineveh ko kager supuling ko karitamatama mu nunga aruso se namasan,bare nagu nama se mu, mel i nusuwiktalipi kam dagulu barasu barasu namasan.Se nunga kager kari memek umukarem bowa ningi nagu namawonong ko por duap ningi tam luansongkuring te batagarmonko mu karogo gek masan.6Nineveh ko yu ko songkuringaora aora mu batuwutuk mam ale ulalaram,se king ko kawam mu parasaram kaparam.7Se ko kariimet mu nunga gi talipisor bo te arungu namamonko masan.Se ko ura dungan imet mu inangnang biton iwita niasan kikisan,ale nongomang bataga te nokokosa mosan.8Nineveh mu yu motam biya bo iwita,bare barewareng mam ale ko yu mu nagu namoso wore iwita;se ko kari supuling alo aisan ale balsan,“Nomoke iluwal se sanamamonko!”masan, bare bo ta me giris palagoso ale peleso, mena.9Nunga silver gi saparalko!Nunga gold agotala gi saparalko!Wonong imi mel ningo ningo ago terongmam! Mel bo ko tukunang mena.10Nineveh marok kulikuling iwita aniso!Am memek ko memek arigam!Se ko kariimet nongomang motam senusuwik bugura barowara kurukuru baga se nungumik uririki sipiso,ale nongoma motam garusara biya.11Nineveh mu lion ko wonong iwita bagakaso.Bare aitak lion anumang se pagar bibiyabagaman mu apalak namaman?Nu lion gotektek nunga nanuruwukaso senguangara mena geragawaman mu aitak apalak nama sapaman?12Se lion mu aratukaso ale mel saki ninguru nunga moakaso,ale gi ago tai ko kuriang se lion pagarmu terong la namonko bita nungarukaso.13Bare Yawe Sokel Garagar mu iwita balso,“Ni arigem, ani aitak ni kerak kager biya bitirikko.Ani nika karis suen la kai maliluwu saparikko;se aga baenat te nika kager kari kulak, lion iwita,mu nunga menawu saparikko;se aratamon ale saki alo me nunga bita maguwumonko.Nika den gia ko kari bo ta me bagoso,se udagi den bo gimon ale me karogo nama balmonko.”