Taalifi cant79wol_mbs
Yàlla, feyul nu
1Dib taalifu cant, ñeel Asaf.Céy Yàlla, yéefar yi song nañu sa moomeel,teddadil nañu sa kër gu sell,gental nañu Yerusalem.2Leel nañu tan yi sa néewi jaam ñi,leel nañu rabi àll yi sa suuxi wóllëre ñooñu.3Ñu tuur seen deret nim ndox,ba Yerusalem daj,te amul kuy rob néew yi.4Noo ngi nii di mbalitu dëkkandoo yi;ñu séqe nu ay kókkaleeki kekku.5Céy Aji Sax ji, loo deeti xaar?Xanaa doo nu mere ba fàww,sa fiiraange ni sawara ci sunu kaw?6Sippil sa mer yéefar yi la xamul,ak réew yi wormaalul sa tur.7Ñoo sëxëtoo giirug Yanqóoba,gental dëkkuwaayam.8Bul nu topp ñaawtéef ya woon,ngalla gaaw noo gatandoo sa yërmande.Danu ne dàll, ba ne dett.9Éy Yàlla, yaa nuy musal, wallu nu,ba sa seede rafet.Xettali nu te baal nu sunuy bàkkaar,ba sa woy rafet.10Bul tax yéefar yi naa:«Ana seen Yàlla?»May nu, nu gis ni ngay mbugale yéefar yi,feye leen sa deretu jaam yi tuuru.11Ñi ñu jàpp, yal na seeni onk àkki fa yaw.Ñi ci tànki dee, yal nanga leen musale sa doole ju màgg ji.12Boroom bi, sewal gi la sunuy dëkkandoo sewal,këpp leen ko juróom ñaari yoon,13te nun ñiy sa mbooloo, di sa gétt gi ngay foral,nu di la sant ba fàww,di biral sa ngërëm sët ba sëtaat.