Taalifi cant144wol_mbs
Aji Sax ji, laggsil
1Ñeel Daawuda.Cant ñeel na Aji Sax ji sama cëslaay,mu di ma jàngal xeex,di ma tàggat ci xare,2di sama wóllëre, di ma yiir,di ma làq, di ma xettali,di ma aar, ma di ko làqoo,mu di ma nangulal ay xeet.3Aji Sax ji, luy nit, ba nga di ko ràññee?luy doom aadama, ba nga di ko faale?4Nit ni ngelaw,ay fanam di takkndeer, wéy.5Aji Sax ji, firil asamaan, wàcc;laal tund yi, ñu saxaar.6Melaxal, falaxe noon yi;fittal, ñu fëlxoo,7nga yóotoo ma fu kawe,xettali ma, wallu ma ci doxandéemyi def wali wal fi sama kaw,8di fen, di giñ ay fen.9Yàlla, naa la woyal woy wu yees,xalamal la xalamu fukki buum.10Yaay may buur yi ndam,yaa musal sa jaam ba, Daawuda, ci saamar bu aay.11Musal ma, xettali ma ci loxol doxandéemyiy fen, di giñ ay fen.12Su boobaa sunu doom yu góormàgge ndaw, ni gàncax gu mat sëkk;sunuy janq jekk ni doji yatt yu ñu tabaxe kër buur.13Sunuy sàq feese wirgoy wirgo,sunuy gàtt jur junni,ba fukki junni (10 000) ci parlu yi,14nag yi ëmb ba diis,du mbas, du biir bu yàqu,te deesu fi yuuxoo pénc ya.15Ndokkalee xeet wu am lii!Ndokkalee xeet wu yàllawoo Aji Sax ji!