Taalifi cant136wol_mbs

Yàllaa am kóllëre

1Nangeen sante Aji Sax ji mbaaxam.Kee saxoo ngoram!2Santleen Yàllay yàlla yi.Kee saxoo ngoram!3Santleen Sangu sang yi.Kee saxoo ngoram!
4Moo wéetoo jaloore yu mag yi.Kee saxoo ngoram!5Moo sàkk asamaan ci manooreem.Kee saxoo ngoram!6Moo lal suuf ca kaw ndox ma.Kee saxoo ngoram!7Moo sàkk leer yu mag yi:Kee saxoo ngoram!8jant bi yilif bëccëg,Kee saxoo ngoram!9weer ak biddiiw, guddi.Kee saxoo ngoram!
10Moo faat taawi Misra yu góor ya,Kee saxoo ngoram!11seppee bànni Israayil ca ñoom,Kee saxoo ngoram!12ci dooley loxoom ak kàttanu përëgam.Kee saxoo ngoram!13Moo xar géeju Barax ya ñaar,Kee saxoo ngoram!14jàllale bànni Israayil ca digg ba.Kee saxoo ngoram!15Moo xalab Firawnaak mbooloom ca géeju Barax ya.Kee saxoo ngoram!16Moo jiite ñoñam ca màndiŋ ma.Kee saxoo ngoram!17Moo duma buur yu mag ya,Kee saxoo ngoram!18bóom buur yu màgg ya,Kee saxoo ngoram!19reyaale Sixon buurub Amoreen ña,Kee saxoo ngoram!20reyati Og buuru Basan.Kee saxoo ngoram!21Moo nangu seen réew, joxe,Kee saxoo ngoram!22sédde Israayil ma dib jaamam.Kee saxoo ngoram!
23Ci biir nootaange la nu geesoo,Kee saxoo ngoram!24ne nu siféet ci loxoy noon ya.Kee saxoo ngoram!25Mooy leel bépp boroom bakkan.Kee saxoo ngoram!26Santleen Yàlla mi ci asamaan!Kee saxoo ngoram!
expand_more
Search