Taalifi cant103wol_mbs
Ma sant Aji Sax ji
1Ñeel Daawuda.Naa sant Aji Sax ji ci saa xol bii,saa jëmm jépp di sàbbaal sellaayu turam!2Naa sant Aji Sax ji ci saa xol bii,te baña fàtte mboolem xéewalam!3Moo lay baal foo ñaawe,di la wéral foo woppe.4Mooy jot sa bakkan,kaalaa la ngor ak yërmande,5di reggal sa bakkan bànneex,yeesalal lag ndaw,nga màggataale doole nig jaxaay.6Aji Sax jeey àtte njub,di àtte dëgg jépp néew-ji-doole.7Moo xamal Musaa ay nammeelam,xamal bànni Israayil ay jëfam.8Yiw ak yërmande, fa Aji Sax ji.Moo muñ mer te bare ngor.9Saxoowul di toppe,dencul mer ba fàww.10Du sunuy bàkkaar la nu mbugal,du sunuy ñaawtéef la nu fey.11Ni asamaan tiime suuf,ni la ngoram yiire ku ko ragal.12Ni penku soree sowu,ni la nu soreleek sunu mbugali tooñ.13Ni baay yërëme doom,ni la Aji Sax ji yërëme ku ko ragal.14Moo xam sunu bind,di bàyyi xel ne pënd lanu.15Nit aki fanam di saxyaaysuy law ni tóor-tóoru àll;16ngelaw li wal, mu ne mes,mel ni masu faa nekk.17Waaye ngorug Aji Sax ji naka jekkñeel na fàww ku ko ragal;àtteb dëggam ñeel sëtaati18kuy sàmm kóllëreem,di saxoo jëfe tegtali yoonam.19Aji Sax jee samp asamaan ab jalam,nguuram ŋank lépp.20Yeen malaaka yi, santleen Aji Sax ji,yeen jàmbaar yu mag yiy jëfe ndigalam,di sàmm kàddoom.21Santleen Aji Sax ji, yeen gàngoori xareem yépp,yeen dagam yiy jëfe coobareem.22Yeen mbindeef yépp, nangeen sante Aji Sax jifépp fu mu tiim.Naa sant Aji Sax ji ci saa xol bii!