1Daawuda woy na Aji Sax ji gannaaw ba ko Aji Sax ji xettalee ci mboolemi noonam, xettali ko it ci Sawul. Kàdduy woy wa lii la.2Mu ne:Aji Sax ji mooy sama cëslaay, moo may aar, di ma wallu.3Yàllaay sama cëslaay li ma yiiroo,fegu, mucc,làqu, raw, mucc fitna.4Ki yelloo cant, Aji Sax ji,moom laa woo, mucc ci samay noon.5Gannaxi dee mëdd ma,walum kasara naq ma.6Buumi njaniiw laaw ma,dee ne jaas, di ma fiir.7Ma jàq, woo Aji Sax ji,ne sama Yàlla wallóoy, mu dégge këram.Ma yuuxu, muy dégg.8Mu mer, suuf yëngu, di ker-keri,kenuy asamaan jaayu, di reg-regi.9Saxaar di sël-sëlee ca wakkan ya,sawara boye ca gémmiñ ga,xal yu yànj tàkke ca.10Mu firi asamaan, wàcc,niir yu fatt lal tànk ya.11Ma nga war malaakam serub, di naaw,daayaarloo laafi ngelaw.12Ma nga bàddoo lëndëm,làmboo jali ndox aki xàmbaar.13Leer a ko jiitu,ay xali sawara topp ca.14Aji Sax jee dënoo asamaan.Aji Kawe jee àddu,15soqiy fitt ak jumi melax,tasaare leen, fëlxe.16Aji Sax ji gëdd,nokki, mu riir;xuri géej ne fàŋŋ,ron suuf ne duŋŋ.17Moo yóotoo fa kaw, jàpp ma,seppee ma ca xóotey ndox ma,18musal ma ca noon yu mag,ya ma bañ te man ma.19Ñu dajeek man, bés ba ma jàqee,Aji Sax ji taxawu ma,20yaatal ma,bége ma, ba xettali ma.21Aji Sax jee ma yool sama njub,samay loxoo set, mu fey ma.22Sàmm naa yooni Aji Sax ji,bonuma, di moy sama Yàlla.23Dama ne jàkk ndigalam yépp,dëdduwuma dogali yoonam.24Seede na, may jëfeg mat,di moyoo tooñ.25Aji Sax jee ma yool sama njub,rafetlu sama mucc ayib.26Yaw Aji Sax ji, ku gore, fekk la gore;ku matale, fekk la matale;27ku sellal, fekk la sell;ku dëng, fekk laak say feem.28Yaw yaay musal xeet wu néew doole,kuy daŋŋiiral, nga detteel.29Yaw Aji Sax ji, kay, laay niitoo,Aji Sax jeey leeral sama lëndëm.30Maak yaw kay, ma song gàngoor.Maak sama Yàlla, ma tëbum tata.31Yàllaa mat.Kàddug Aji Sax jee wér te wóor.Mooy feg képp ku ko làqoo.32Ana kuy Yàlla ku moy Aji Sax ji?Ana ku mat cëslaay ku dul sunu Yàlla?33Yàllaa may làqe dooleem,xàllal ma, yoon mat.34Moo ma gaawal ni kéwél,taxawal ma fu kawe.35Moo may tàggat ci xare,may tàwwig fitt ci xalag xànjar.36Aji Sax ji, yaa may feg, musal ma,yaa may nangul, darajaal ma.37Yaa ma xàllalu yoon,ba duma tërëf.38Maay dàq noon yi, falaxe,jekkali, doora dëpp.39Ma rajaxe, nemmali, jógatuñu,xanaa fëlëñu, ma joggi.40Sol nga ma dooley xare,sukkal ñi ma jógal, ñu féete ma suuf.41Yaa ma won ndoddi noon,ma boole bañ yi, bóom.42Ñu ne wallóoy, wall amul,ñu woo Aji Sax ji, faalewu leen.43Ma wol, ba ñu doon pënd,dër, noote ni banu mbedd.44Yaa ma xettali ci bokk yiy fippu,def ma, ma jiite ay xeet;waaso wu ma xamul sax nangul ma,45ku ma ci dégg, déggal ma,ay doomi doxandéem di ma raamal,46ne yàcc,génne seeni tata, di lox.47Aji Sax jeey Kiy dund! Sama cëslaay a jara sant!Yàlla sama wéeru-mucc moo màgg!48Mooy Yàlla ji may feyul,di ma suufeelal xeet yi.49Xettali nga maak ku ma bañ ak ku ma jógal,kaweel ma, ma tiim leen,xettaleeti ma cib soxor.50Kon Aji Sax ji, ma sant la ci biir xeet yi,kañ la!51Yaay may sa buuru ñoñ ndam lu réy,yaay ji ngor ki nga fal,muy man Daawuda, di sama askan ba fàww.