ZABURU
63
/
wlo_wbt
Pemelili i Kawasana Opu
1
Zaburuna Daud wakutuuna incia adhaangia i Tana Matuuna Yuda.
2
E Aulataʼala, Ingkoomo Aulataʼalaku, iaku kupeeloko,
tee gauku kupokawa tee Ingkoo.
Saangua badaku apemeliliakako,
mboomo mia molingkana i tana matuu mofaraluuna uwe.
3
Mboo sumaimo kutontoko i tampamu momangkilo
to kukamataaka kuasamu tee kamuliangimu.
4
Roonamo kaasimu molagina alabhi akoharagaa minaaka i dhadhi,
sababuna sumai kupujiko.
5
Mboo sumaimo bhekupujiko saʼumurua dhadhiku,
tee kuangka limaku to kumuliangi saromu.
6
Atumpu incaku, mboomo tee kinande momambaka,
tee kupujiko tee bhiwiku mokaunde-unde,
7
wakutuu kuudhaniko i kolemaku,
tee kufikiriko samaloa.
8
Roonamo Ingkoomo motulungiaku,
i tambena panimu iaku kusambo-sambo.
9
Ngangarandaku bheakeniakako pekatangka,
lima kaanamu atukoaku.
10
Maka manga mia mohaejatina mopekamateaku
bheapesua i tambena tana tee manga mia mate;
11
manga musuku bheatopekamateaka tee hancu,
tee amembali kinandena serigala.
12
Maka raja bheakaunde-unde roonamo katulungina Aulataʼala;
bhari-bharia mia moposumpana tee Aulataʼala bheabangga,
roonamo Incia bheasoncongi ngangana manga pande gau-gau.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter