ZABURU4wlo_wbt

Doʼana Malo

1To kapalana molaguna. Tee kagasiana gambusu. Zaburuna Daud.
2E Aulataʼala, Ingkoomo moewaakaaku,lawaniaku wakutuuna kugora.Ingkoo udhawuaku kalalesa wakutuuna kumaseke.Maasiakaaku tee rangomea o doʼaku!
3E manga mia, saopea uka o kangengena ingkomiu upekarombu kamuliangiku?Saopea uka o kangengena umaasiaka giu mosia-sia tee upeelo giu inda mobanara? Sela4Mataua ande o KAWASANA OPU padhamo apili samia mosaalihina to karona,KAWASANA OPU bhearangoa ande kugora i Incia.5Wakutuuna uʼamara, bholimo upewau dosa!Pogaumo i nuncana ngangarandamu i kolemamu,tee bholi tee uuʼuumu. Sela6Pasombaakamea o kurubani ipatotapuakana to Aulataʼala,tee uparacaeamo i KAWASANA OPU.
7Abhari o mia mopogauna, "Incema bhemosusuakana kalape to ingkita?"E KAWASANA OPU, taroakamo caheana roumu asuluwi ingkami!8Ingkoo upewau incaku akaunde-undealabhi minaaka i kaunde-undena o mia motaralabhi-labhina timpuana gandum tee angguruna.9Tee namisi momasanaa bhekupotidhole, kasiimpo kutokole,sababuna tangkanamo Ingkoo KAWASANA OPU,mopewauna dhadhiku aʼamani!
expand_more
Search