1Zaburuna Daud, wakutuuna incia apara-para amagila i aroana Abimelekh, sabutuna incia atopadhencu, kasiimpo alingka.2Iaku bhekupuji KAWASANA OPU sadia,tee inda kuunto-unto kupuji Incia.3Iaku kubangga roonamo opea ipewauna KAWASANA OPU,maasangia manga mia motopisaki arangoa tee akaunde-unde.4Maimo tapobhawa-bhawa tamuliangi sarona KAWASANA OPU,tee maimo tapobhawa-bhawaaka tapekalanga sarona!5Iaku kudoʼa i KAWASANA OPU, tee Incia alawaniaku,tee arambasakaaku minaaka i bhari-bharia kaekaku.6Mia motontona Incia bheakocahea o rouna,tee inda bheamaea.7Mia motopisaki sii agora, tee o KAWASANA OPU aperangoiatee apasalaamatia minaaka i bhari-bharia balaa.8Malaaʼekatina KAWASANA OPU abulilingi tee ajagani mia momaekaia,tee arambasaka manga incia minaaka i kasukara.9Namisimea tee ukamatamea tapanamo kalapena o KAWASANA OPU sumai!Amasanaamo o mia mopeuluna i Incia.10Maekamo i KAWASANA OPU, e ingkomiu manga uumatina momangkilo,roonamo inda bheadhaangia ikakurangaakana manga mia momaekana i Incia.11Manga singa momangura amalute tee amaara,maka manga mia mopeelona KAWASANA OPU inda bheakakurangaaka manga giu momalape.12Maimo e manga anaana, perangoiaku!Iaku bhekuadhariakakomiu umaeka i KAWASANA OPU.13Incema mopeeluna dhadhi masanaa,tee mopeeluna umuru marambe, mamudhaakana amembali aniʼimati manga giu malape?14Jagania o dhelamu minaaka i momadhakina,tee o bhiwimu minaaka i manga pogau mopekagau.15Pekaridho minaaka i giu momadhaki, tee upewaumo manga giu momalape.Peelomo kaʼamani tee kakaana bukumu tee uʼusahamo upomalape.16KAWASANA OPU atiliki manga mia mobanara,tee aperangoia ande agora aemani tulungi.17KAWASANA OPU amusui manga mia mopewauna kadhakisamatena manga incia, KAWASANA OPU apewau bhari-bharia mia amalinguaka manga mia madhaki sumai.18Wakutuuna manga mia mobanara agora, KAWASANA OPU aperangoia,tee arambasakea manga minaaka i bhari-bharia kanarakaana.19KAWASANA OPU apomakasu tee manga mia momaidhiidhina incana,Incia apasalaamati mia momatena akalana.20Mia mobanara abhari o kanarakaana,maka o KAWASANA OPU arambasakea minaaka i bhari-bharia sumai.21KAWASANA OPU ajagani bhari-bharia bukuna,inda saangu uka momakatuna.22Giu madhaki bheapekamate mia madhaki,tee o mia mobancina mia mobanara bheatohukumu.23KAWASANA OPU apasalaamati manga bhatuana,tee bhari-bharia mia mopeuluna i Inciainda bheatohukumu.