1To kapalana molaguna. Zaburuna Daud.2E KAWASANA OPU, Ingkoomo peulusaku,bholi utaroakaaku kutopekaea.Pasalaamatiaku roonamo kaʼadilimu.3Perangoiaku,tee rambasakaaku pekadhei!Umembalimo gunu bhatu to tampana peulusaku,mboomo bentena potaangia mopasalaamatiaku.4Satotuuna, Ingkoomo gunu bhatuku tee bentena potaangiaku.Rampaakanamo saromu, kapalaikiaku tee utondaaku.5Rambasakaaku minaaka i katapuitaana musu to arakoaka iakuroonamo Ingkoomo peulusaku.6I nuncana limamu kupasaraakaaka inyawaku.Ingkoo padhamo upasalaamatiaku e KAWASANA OPU, Aulataʼala momembalina motoparacaea.7Iaku kubanci manga mia mosombana barahala mosia-sia;maka iaku samia kuparacaea i KAWASANA OPU.8Iaku bhekusambo-sambo tee kukaunde-unde roonamo kaasimu molagina,sababuna Ingkoo ukamata kanarakaakutee umatau kasukaraku.9Ingkoo inda upasaraakaaku i limana musu,maka Ingkoo upakakaro aeku i tampa momalalesa.10E KAWASANA OPU, maasiakaakuporoonamo iaku i nuncana kasukara,mataku amandala roonamo kutangi,badaku tee inyawaku anarakaa.11Dhadhiku atopadha i nuncana kaporona inca,umuruku atopadha roonamo kupeenci;kakaaku aila roonamo kasalahaku,tee manga bukuku amapuromo.12I aroana bhari-bharia bhaliku, iaku kumembali giu ipotawaakana manga incia,tee uka manga sarimbanuaku.Iaku kumembali giu imingkiriaka to manga sampomatauku,tee manga mia mokamataaku i dhala apalaiakaaku.13Iaku kutomalinguaka mboomo mia mate,iaku kumembali mboomo bara momapasa.14Iaku kurango mia abhari apokamuntuiakaku,kamingkiri adhaangia i bhari-bharia rope!Manga incia apomufakati to abhaliaku,tee ahaejati to apekamateaku.15Maka iaku kuparacaeako, e KAWASANA OPU,sababuna iaku kupogau, "Ingkoomo Aulataʼala isombaku!"16Dhadhiku dhaangia i nuncana limamu,rambasakaaku minaaka i limana manga musukutee minaaka i manga mia mopajereaku.17Taroakamo o caheana roumu akangkanai bhatuamu sii,tee upasalaamatiaku roonamo kaasimu molagina.18E KAWASANA OPU, bholi utaroakea manga musuku apekaeaakuroonamo iaku kugora i Ingkoo.Taroakamo manga mia madhaki apotibhaaka kaea,tee taroakamo manga incia asapo i duniana mia mate tee inda tee uuʼuuna.19Soncongia o muncuna manga pande gau-gau,mohinana tee momangkatuna mia mobanara;manga incia asombo tee apekahina.20Tapanamo kabhari o kalapemumopadhana ipasiapuakamu to manga mia momaekako,tee ipewaumu to manga mia mopeuluna i Ingkoo,i aroana maanusia!21Ingkoo ubuniaka manga incia i nuncana peulusana kuasamuminaaka i mia mosahimuakana manga incia.Ingkoo ujagani manga incia i nuncana mbooresamuminaaka i manga mia moraeakana manga incia.22Atopujimo KAWASANA OPUroonamo inda amentela mpuu kaasina molagina mopadhana isusuakana to iakuwakutuuna kumaseke mboomo kota motolibu.23Roonamo kubingu, kusarongia,"Kutopadhencumo minaaka i aroamu."Maka satotuuna Ingkoo urangoa iemanikuwakutuuna kugora kuemani tulungi i Ingkoo.24Maasiakea o KAWASANA OPU,e bhari-bharia mia mosaalihi!KAWASANA OPU ajagani mia motaʼatimaka Incia ahukumu totuu-totuu o mia mosombo.25Pekakaaia tee upekatangkea o incamu,e bhari-bharia mia moharapuna i KAWASANA OPU!