ZABURU148wlo_wbt
Laiana tee Alamu, Pujimo KAWASANA OPU!
1Pujimo KAWASANA OPU!Pujimo KAWASANA OPU minaaka i sorogaa,pujimea i tampa momalanga!2Pujimo Incia, e bhari-bharia malaaʼekatina,pujimo Incia, e bhari-bharia tantarana!3Pujimo Incia, e matanaeo tee bula;pujimo Incia, e manga kalipopo momainawana!4Pujimo Incia, e laiana momalanga,tee uwe i bhawona laiana!5Taroakamo bhari-bharia apuji sarona KAWASANA OPUroonamo minaaka i firimanina Incia apadhaangia bhari-bharia.6Incia uka motantuakana bhari-bharia giu i sorogaa tee i laiana to saʼumurua;opea ipatotapuakana abakaa.7Pujimo KAWASANA OPU minaaka i alamu,e manga nagana tawo tee saangua andala oge;8e waa tee waona esi, salju tee taʼina ngalu,tee garura moosena parintana Kawasana Opu;9manga gunu tee bhari-bharia kabumbu,manga puuna kau mokobhake tee bhari-bharia puuna aras;10binata maila tee bhari-bharia kadhambaaka,bhari-bharia binata mopondele tee manu-manu mokopani;11manga raja i alamu tee bhari-bharia lipu i dunia,manga kaogesa tee bhari-bharia haakimu i alamu;12manga anaana umane tee kabuabua,manga mancuana tee anaana apoose apuji Incia!13Taroakamo bhari-bharia apuji sarona KAWASANA OPU,roonamo tangkanamo sarona molaengana motopekalanga!Kalangana alabhi minaaka i kalangana alamu tee laiana.14Incia padhamo apajaea uumatina,tee apamembalia giuna kapujia to bhari-bharia mia mosaalihi,siitumo miana Israel, uumati momakasuna tee Incia.Pujimo KAWASANA OPU!