ZABURU111wlo_wbt
Kalapena Kawasana Opu
1Pujimea o KAWASANA OPU!Iaku bhekusukuru i KAWASANA OPU tee mpuu-mpuuna incakui tampa poromusakaana mia momakatena incanatee i tampana poromusakaana uumati.2Tapanamo inda amentela ipewauna KAWASANA OPU,alaenga mpuu afikiria bhari-bharia mia mopeelua,3pewauna amulia tee atopuji,kabanarana sadhaadhaa to saʼumurua.4Incia apatokamata manga pewauna inda momentelanamamudhaakana sadhaadhaa taudhania;KAWASANA OPU sumai amalape incana tee amaasiaka uumatina.5KAWASANA OPU adhawu razakii i mia momaekaia,Incia sadhaadhaa audhani janjina.6KAWASANA OPU padhamo asusuaka kuasana i uumatina,tee manga incia adhawuakea tana tinaurakana manga lipu.7KAWASANA OPU apewau adili tee amembali atoparacaea i nuncana bhari-bharia ipewauna,tee bhari-bharia parintana atoparacaea.8Bhari-bharia sadhaadhaa amatangka to saʼumurua,tee apewaua i nuncana kaʼadili tee kabanara.9KAWASANA OPU padhamo apabebasi uumatina,tee apatotapuaka pojanjiana to saʼumurua.Sarona amangkilo tee amaoge!10Mia momaekana i KAWASANA OPU satotuuna o auwalina mia amembali aʼaarifu;bhari-bharia mia mopewaua apotibhaaka fahamu momalape.Kapujia to KAWASANA OPU asadhaadhaa saʼumurua!