Zabuli92vid_pbt
Lwimbo lwa kumtogola Nguluwi
(Zabuli. Lwimbo lwa Zuwa lya Kwesela.)
1Inoga kukulonjela, gwa Mkulu Nguluwi malumbo,kulimbila lutogo itagwa lya hegwe, gwa Nguluwi Yawele Kuchanya.2Inoga kuwikula igano lya kwimilila lya hegwe mitondo,na kukundigwa kwa hegwe mhela wa nechilo,3kwa muziki wa igombogombo lya ng'weso kumi na ching'weleng'wele,na kwa lizi linojile lya igombogombo.4Gwa Mkulu Nguluwi, madito ga hegwe gangusangalaza heni,ndokutowela luchenze kwa chiwalo cha mbuli za hegwe zeng'ha zouditile.5Gwa Mkulu Nguluwi, madito ga hegwe ndo makulu ng'hatu.Majesa ga hegwe ndo itunyo ng'hatu.6Mpoka howeza kuvizela,ne yasowile nyhala haizelele mbuli ayi,7hanga wehile woweza kudedemka kota misolo,na walingudita wihe weng'ha mbuli za hewo zowalutila goya,kuduma kwa hewo ndo kudumigwa mazuwa gose,8ila, gwa Mkulu Nguluwi, hegwe kwa kuchanya mazuwa gose.9Wang'honyo wa hegwe, gwa Mkulu Nguluwi,ulole, hewo wang'honyo wa hegwe, ndikomya wodumigwa,weng'ha walingudita wihe wosambaluka.10Hegwe nakumha heni mong'ho kota ibogo,nakumbakaliza heni mafuta ganojile.11Kwa meho nambona wang'honyo wa heni nawalemwela,kwa makutu nanyhulika chililo cha walingunditila wihe.12Watanganiche wangudedemkaga kota mitende,wangukulaga kota mielezi ja Lebanoni.13Awo ndo kota migodi jinyaligwe haluga ha Mkulu Nguluwi,jangudedemkaga kota migodi mgati mwa lugagala lwa Nguluwi wa hetwe,14wangulutililaga kulela mafuza kuli mhela wa kulala,mazuwa gose wangumemaga unhomvu na wanguwaga wadodi,15Wowikula, “Mkulu Nguluwi ndo yatanganiche,heye ndo italawe lya heni,mgati mwa heye haduhu ne wihe.”