Zabuli81vid_pbt
Lwimbo lwa mnvina
(Kwa yalingwaluchiza kwimba. Kwa kiwhana na Gititi. Lwimbo lwa Asafu.)
1Mumwimbile kwa usangalalo Nguluwi, mong'ho wa hetwe,mumtowele iyowe lya kusangalala Nguluwi wa Yakobo.2Mtowe iyowe lya kwimba lwimbo lwa kusangalala, mtowe ngoma,mvine igombogombo na ching'weleng'wele cha lizi linojile.3Mpembe mhalamhanda kuwikula kulawila kwa nyelezi,na kahi nyelezi ikangale, mhela wa mnvina ya hetwe.4Awo ndo mzilo kuli Isilaeli,alyo ndo ilajizo lya Nguluwi wa Yakobo.5Nakawika liwe kota ilajizo kwa Yusufu,hoyaitowile isi ya Misili,ako natuhulika ndonga yohatuizelele.6Nakalonga, “Heni ndizilavya mhomolo za hegwe mmayega,nandikusila mitufali jouholile mmoko.7Louwele kuli magazo nakunyhema, nani nandikulohola.Nandikwidichila londiwele kuli kivisa kuli kubuma.Nandikujeza kuli mazi ga Meliba.8Hemwe wanhu wa heni, mhulichize ikanyo lya heni.Wone wahanyhulichize, gwa Isilaeli!9Yaleche kuwa kwa hegwe mlungu wa chijenzi,uleche kumfugamila mlungu yunji.10Heni ndo Mkulu Nguluwi, Nguluwi wa hegwe,ndikulavile kulawa kuli isi ya Misili.Ugabule mlomo wa hegwe, nani ndokupa chilyo.11“Ila wanhu wa heni hawanyhulichize,Isilaeli halingunyhulichiza.12Ahyo nandiwaleka wapone na nhumbula za hewo zigagadale,wawinze majesa ga hewo wawo.13Wone wanhu wa heni wahanyhulichize.Wone Isilaeli yahawinzile nzila ya heni.14Ndahawasumile wang'honyo wa hewo himahima,ndahagolole moko wa heni kwa chiwalo cha wang'honyo wa hewo.15Wala walingumzudila Mkulu Nguluwi wahawele wakukabuswa hali heye,na magazo ga hewo gahawele ga mazuwa gose.16Ila hegwe ndahakupele chilyo kwa ngano inojile,ndahakugutize kwa hanombwa inonile.”