Zabuli78vid_pbt

Lulonjele lulelo lulinguya

(Ilanguso lwa Asafu.)

110 Mhulichize malanguso ga heni, hemwe wanhu wa heni,muwiche goya makutu kwa chiwalo cha ulonzi wa mlomo wa heni.2Ndogabula mlomo wa heni kwa nhelo,ndouwika hazelu ulonzi uvisigwe kulawa katali,3mbuli zotuzihuliche na kuzizela,mbuli ziwele wasekulu wa hetwe nawatusimila.4Hatuwavisa wana wa hetwe,ila tolusimila lulelo lulinguyamadito makulu ga Mkulu Nguluwi na ludali lwa heyetowalonjela vinduzanduza vya heye vyoyaditile.
5Nakawapa walelwa wa Yakobo malajizo,nakawika mizilo kuli Isilaeli,jiwele nakawalajiza wasekulu wa hetwewawalanguse wana wa hewo,6leka wanhu wa lulelo lulinguya,wana wawele wopondigwa hamba wagazele,nawo kahi wawazelese wana wa hewo.7Wamuwichile Nguluwi kitumbila kwa hewo,waleche kusemwa madito ga Nguluwi,ila webate malajizo ga heye.8Waleche kuwa kota wasekulu wa hewo,wanhu wawele na nhumbula zigagadale na walingubelenhuka,lulelo luwele haluwele na majesa gemile nzinzili,luwele haluwele lwa kukundigwa kwa Nguluwi.9Wanhu wa Efulaimu, mipinde na misale mmoko,nawahiluka kumbele, nawabilima zuwa lila lya ngondo.10Hawalibatilile ilagano lya Nguluwi,nawalema kuwinza malajizo ga heye.11Nawasemwa mbuli zoyawele yaziditile,vinduzanduza vyoyawele yawalajile.12Nakadita vinduzanduza hali wasekulu wa hewo,kuli ibalalika lya Soani, kuli isi ya Misili.13Nakaigawanula bahali na kuwadita waloche amo,nakagadita mazi geme kota lukanzi.14Nemisi nakawalongoza kwa ng'hungugu,nechilo yeng'ha kwa lumwemwesa lwa chiluli.15Nakatula mitalawe ako kugunuche,nakawanweza mazi kulawa kuli mazi menji kota bahali.16Nakadita vikolola vilavye mazi kulawa kuli italawe,na kugadita mazi gachililiche kota lwanda.
17Ila nawalutilila kumditila gehile Nguluwi,nawambelenhuka Nguluwi Yawele Kuchanya kula kugunuche.18Nawamjeza Nguluwi kwa kunuwila,wolanda kupegwa chilyo chowaganile.19Nawamkovula Nguluwi wolonga,“Ndaze, Nguluwi koweza kutigalila chilyo kuchiwala?20Kwa kukomya, nakatowa italawe,mazi nagachililika kota lwanda,ila ndaze, kanguweza kutigalila mibumunda,na kuwegalila wanhu wa heye miwunde?”
21Mkulu Nguluwi naloyahuliche ago, nayali yamemile kuzudila,chiluli nachaka kwa walelwa wa Yakobo,ng'halazi ya heye naiwavaba wanhu wa Isilaeli,22kwa vila hawamkundile Nguluwi,ne kuukunda mong'ho wa heye wa kulohola.23Ila nakalajiza ng'hungugu ya kuchanya,nakachumula lwizi lwa kilanga,24nakawadulisila mana leka walye,nakawapa nyhule kulawa kilanga.25Wanhu nawalya chilyo cha wahilisi,naye nakawegalila chilyo cha kuhega.26Nakegala mbeho ya kolilawilaga isanya kulawa kilanga,kwa ludali lwa heye nakambuza mbeho ya kusini ipute,27nakawagalila wanhu wa heye miwunde kota nhimbwisi,videje vinji kota sangalaza ya mhwani.28Videje avyo navigwa hali kambi ya hewo,chila honhu kuzunguluta haluga ha hewo.29Wanhu nawalya na kiguta ng'hatu,Nguluwi nakawapa chowaganile.30Ila lowawele wang'hali kigutiza maya ga hewo,chilyo lochiwele ching'hali kuli milomo ja hewo,31ng'halazi ya Nguluwi naiwafika hewo,nakawakopola wawele na mong'ho hali hewo,na kuwagwisa wasongolo wa Isilaeli.
32Ila nawalutilila kudita gehile hali Nguluwi,hanga nakadita vinduzanduza, ila hawakundile.33Lelo, nakaduma mazuwa ga hewo kota lweselo,miyaka ja hewo kwa kubagama baho du.34Chila loyawakopole, wala waponile nawampala,na kumhinduchila Nguluwi kwa nhumbula.35Nawakumbuchila kota Nguluwi nayali italawe lya hewo,Nguluwi Yawele Kuchanya nayali mgombozi wa hewo.36Ila nawamhada kwa ulonzi wa hewo,chila chowamlonjele nachali udesi.37Hawambatilile heye kwa nhumbula,nahawawele wakukundigwa kuli ilagano lya heye.
38Ila Nguluwi yawele na isungu nakaugubika wihe wa hewo,hawadumye hebu.Mihela minji nayali yoilemeza ng'halazi ya heye,nahakulechile kuzudila kwa heye kweng'ha kuwafiche.39Nakakumbuchila kota hewo ndo wanhu hela,ndo kota mbeho ilingukola na kwajilila.
40Mala zilinga nawambelenhuka kuchiwala,na kumzudiza ako kugunuche?41Nawamjeza Nguluwi chila mhela,nawamzudiza ayo Yelile wa Isilaeli.42Hawalukumbuchile ludali lwa heye,zuwa lila loyawagombole kwa wang'honyo wa hewo,43naloyaditile mbuli za kububuwaza kuli isi ya Misili,na vinduzanduza kuli ibalalika lya Soani.44Nakagalusa zila nzanda ziwa danda,Wamisili waleche kuwa na mazi ga kunwa.45Nakawahilichila vilundo vya ng'onzi ziwele naziwatunya,na mibula jiwifile chila chinhu.46Nakalajiza nzije, nazilya mbena za hewo,na kuwifya migunda ja hewo.47Nakajiwifya mizabibu ja hewo kwa nhonya ya maganga,na mitini ja hewo kwa chipute ching'ang'ale.48Misenga ja hewo najikopoligwa kwa nhonya ya maganga,na ming'holo ja hewo kwa lumwemwesa.49Nakaleka ng'halazi ya heye iwafiche,kuzudila na nhumbula yihile na kugayana chilundo cha wahilisi wa kudumya.50Nakalechelela ng'halazi ya heye ilutilile,ne kuwawika kutali na kubagama,ila nakawadumya kwa utamwa.51Nakawakopola walelwa wa mwaluko weng'ha wa Misili,ena, wa mwaluko kuli kambi ya Hamu.
52Hamba nakawahilika wanhu wa heye kota ming'holo,nakawalongoza kuchiwala kota chilundo cha migongolo ja kufujigwa.53Nakawalongoza goya, nawo hawadumbile,ila bahali naiwagubika wang'honyo wa hewo.54Nakawegala kuli isi ya heye yelile,kuli chidunda choyachiholile kwa moko wa heye wa kudilo.55Nakawawinga wanhu wa isi hali hewo,nakazilavya isi za hewo ziwe za Isilaeli,nakaziwika nhanzi za Isilaeli hali honhu ha hewo.
56Ila nawamjeza na kumbelenhuka Nguluwi Yawele Kuchanya,ne kibatilila malajizo ga heye.57Ila nawahinduka na kudita gehile kota wasekulu wa hewo,nawali wohambe wetumbilwe kota upinde wohauwele nzinzili.58Nawamzudiza kwa honhu hawo ha kulavila nhambiko ha milungu,nawamdita yawe na fihi kwa jimalukolo jawo.59Nguluwi loyagawene ago, nakazudila,nakailema ng'hatu Isilaeli.60Nakalileka ihema lyelile lya heye ako Shilo,haluga hawele nayali yekale hagati ha wanhu.61Nakalileka isanduku, ulajilo wa mong'ho wa heye, liholigwe kuli isi ya chijenzi,ukulu wa heye uwichigwe mmoko mwa wang'honyo.62Nakawazudila wanhu wa heye yuye,nakawalavya wadumigwe kwa ipanga.63Chiluli nachiwalakaza wasongolo wa hewo,wahinza wa hewo nawali walihela wanhu wa kuwahesa.64Watambika wa hewo nawabagama kwa ipanga,wadala wa hewo wafililwe na walume wawo hawawezile kulombocheza.
65Hamba Mkulu nakalilimka kota munhu yolawa kuli usinjizi,kota munhu yazidahe kitowa ngondo yanwele divai,66Nakawawinga wang'honyo wa heye,nakawabasa soni ya mazuwa gose.67Nakailema nhanzi ya Yusufu,haihagule nhanzi ya Efulaimu,68ila nakaihagula nhanzi ya Yuda,na chidunda cha Siyoni choyachiganile.69Nakazenga aho ng'handa ya heye ng'hulu kota ulanga,kota isi yoyaiwichile nzinzili mazuwa gose.
70Nakamhagula Daudi, chitumagwa wa heye,nakamusa kuli mijito ja kudima ming'holo.71Nakamlavya kuli mijito ja kudima ming'holo,yawe na mijito ja kudima wanhu wa Yakobo, wanhu wa heye,yadime Isilaeli, wanhu wa Nguluwi yuye.72Daudi nakawadima kwa nhumbula ya heye yeng'ha,nakawalongoza kwa luhala lwa moko ga heye.
expand_more
Search