Zabuli74vid_pbt
Kulombocheza kwa chiwalo cha kubomoligwa kwa ng'handa ya Nguluwi
(Ilanguso lya Asafu.)
1Gwa Nguluwi, lekachoni nakututoza ng'hatu?Lekachoni ng'halazi ya hegwe yangulutilila kuli ming'holo ja hegwe?2Uwakumbuchile wanhu wa hegwe uwagulile kulawa katali,nhanzi youigombole iwe ya hegwe, uhalizi wa hegwe,uchikumbuchile chidunda cha Siyoni, honhu hawele nawali wikala.3Ukole na kulola mchanya mwa mahame aga ga mazuwa gose.Wang'honyo nawawifya chila chinhu kuli ng'handa ya hegwe.4Wang'honyo wa hegwe nawabuma kusumya kuli ng'handa ya hegwe.Nawawika amo bendela za hewo za kusumya.5Wangiwhana na walingugoda ngodi,walingutema ngodi kwa miwago ja hewo.6Nawabenanga vinoligo vya mbawo vya ng'handa ya Nguluwi,kwa miwago na nyundo za hewo.7Nawahasoma honhu helile ha hegwe kwa chiluli,nawahaliga ng'hatu hala honhu houlingufugamilwa.8Nawalonga mnhumbula za hewo,“Towahonda ng'hatu!”Nawahoma chila honhu,hawele Nguluwi nayali yofugamilwa kuli isi.9Hatulingona kahi ulajilo wa Nguluwi,twahela kahi mloli yoneche.Hatulinguvizela kota yowa ahi mbaka hanili.10Gwa Nguluwi, mbaka hanili mng'honyo kokuseka?Ndaze, woliliga itagwa lya hegwe mazuwa gose?11Lekachoni nakuuvisa moko wa hegwe wa kudilo?Lekachoni hambe ugolole moko wa hegwe kuwadumya?12Ila hegwe Nguluwi ndo mndewa wa hetwe kulawa katali,nakuwalohola wanhu kuli isi yeng'ha.13Kwa mong'ho wa hegwe nakuigawanula bahali,nakuvihonda vitwi vya mizoka ja bahali.14Hegwe nakuhondanga vitwi vya linhu Lewiyatani,nakujipa migongolo ja kuchiwala itufi lyake.15Hegwe nakudita nzasa na vikolola,nakuzidita nzanda ng'hulu zikale.16Nemisi ndo ya hegwe na nechilo ndo ya hegwe,nakuwika nyelezi na isanya honhu hawo.17Hegwe nakuwika mbaka jeng'ha ja isi,nakuwika mhela wa chipalangule na chipute.18Gwa Mkulu Nguluwi, ukumbuchile wang'honyo wa hegwe vyowakusechile,wapoka wanguliliga itagwa lyako.19Hetwe ndo ng'hochele kota ng'hunda,ahyo, uleche kujitozela migongolo jing'ang'ale,uleche kuusemwa ukomu wa walingugazigwa.20Ulikumbuchile ilagano lyouliditile na hetwe,kwa vila isi naimema kitowa chila honhu hawele na jiza.21Uleche kuwaleka walingutunywa wabasigwe soni,uwatambichize wazunwa na walihela chinhu walitogole itagwa lyako.22Gwa Nguluwi, wime wilewele,ukumbuchile wala vyowalingukubeza chila zuwa.23Uleche kusemwa iyowe lya wang'honyo wa hegwe,na ivuche lilingulutilila mazuwa gose lya walingitwanza na hegwe.