Zabuli72vid_pbt
Kumlandila mndewa
(Lwimbo lwa Solomoni.)
1Gwa Nguluwi, umtambichize mndewa yamule kwa hachi,umhe mwana wa mndewa kutanganika kwa hegwe,2yalongoze wanhu wa isi ya hegwe kwa kutanganika,na walingugazigwa kwa hachi.3Vidunda viwegalile kikala goya wanhu wa hegwe,vidunda viwegalile kutanganika.4Mndewa yawalewele wazunwa,yawatanze wana wa walihela chinhu,na kuwahonda walingubunza.5Mndewa yekale mihela minji kota isanya,na kota nyelezi kukolela lulelo lweng'ha.6Yawe kota upesi ulingunojeza migunda,kota nhonya ilingutowa kuli misanga.7Watanganiche wakule goya kuli ukomu wa hewo weng'ha,na kikala goya kwa winji mbaka nyelezi hoiduma.8Yalongoze kulawa bahali mbaka bahali,kulawa lwanda lwa Eyufulate mbaka kuli kuduma kwa isi.9Wang'honyo wa heye walingikala kuli chiwala wanyenyetele hali heye,walingitwanza na heye wafugame mbaka wamyanje nhimbwisi.10Wandewa wa Talishishi na vihilwa wamhe kodi,wandewa wa Sheba na Seba wamigalile ndolendole.11Wandewa weng'ha wa isi wamfugamile,wanhu wa isi zeng'ha wamkolele mijito.12Kangumlohola munhu yalihela chinhu yalingumlanda,na yalingugazigwa yawele kahela wa kumtanza.13Kanguwonela isungu ng'hochele na walihela chinhu,kangulohola ukomu wa walihela chinhu.14Kanguwagombola kuwele na kubunza na kitowa,kwa vila danda ya hewo ndo chinhu chikulu ng'hatu kwa heye.15Mndewa yekale kwa mihela minji,yabochele ndolendole ya zahabu kulawa Sheba,wanhu wamlandile kwa Nguluwi mazuwa gose,na kumganila utambichizo nemisi yeng'ha.16Isi ilele nyhule kwa winji,mbaka kuli vinhembenhembe vya vidunda.Vidunda vimeme mbena kota ya Lebanoni,wanhu wa kuli miji wakule goya kota misolo.17Itagwa lya mndewa likale mazuwa gose,lizeleche kwa mihela minji isanya holikwaka.Kukolela heye wanhu wa isi zeng'ha watambichizwe,wanhu weng'ha wamcheme yawele yatambichizwe.18Yatogoligwe Mkulu Nguluwi, Nguluwi wa Isilaeli,yawele heye yaliyeka kanguditaga vinduzanduza.19Itagwa lya heye lyelile litogoligwe mazuwa gose,ukulu wa heye umeme kuli isi zeng'ha.Ena! Ena!20Kuduma kwa kulanda kwa Daudi, mwana wa Yese.