Zabuli63vid_pbt
Kugana kuwa hamwe na Nguluwi
(Zabuli ya Daudi mhela loyawele kuli chiwala cha Yuda.)
1Gwa Nguluwi, hegwe ndo Nguluwi wa heni,nani ndangukupala kwa nhumbula,muhe wa heni wangukugana kota munhu yawele na ng'halu,ndina ng'halu kota isi ikalile, ilihela mazi.2Nandikona hegwe kuli honhu ha hegwe,ndiwone mong'ho wa hegwe na ukulu wa hegwe.3Igano lya hegwe lya kwimilila linoga kusinda ukomu,nani ndokutogola kwa mlomo wa heni.4Ndolonga malumbo kuli kikala kwa heni kweng'ha,ndokwinula moko ga heni na kukutogola.5Nhumbula ya heni yangugutizwa kota mnvina na vinonile,kwa mlomo wa heni ndokwimba lutogo lwa hegwe.6Londiwa mchinhanda ndokukumbuchila,nechilo yeng'ha ndochijesa kwa chiwalo cha hegwe,7kwa vila hegwe nakunhanza.Kuli lubehelo lwa mabawa ga hegwe, ndotowa luchenze.8Nda hamwe na hegwe,moko wa hegwe wa kudilo wangunhanza.9Wala walinguupala ukomu wa heni, wowifigwa,wokwinjila hanyi kuwele walingikala wabagame.10Wokopoligwa kwa ipanga,wowa chilyo cha mikanhu.11Ila mndewa kosangalala kwa chiwalo cha Nguluwi,walingilaha kwa itagwa lya Nguluwi wotowa iyowe lya kusumya,ila milomo ja wadesi jodinyigwa.