Zabuli45vid_pbt
Lwimbo lwa kumtogola mndewa
(Kwa yalingwaluchiza kwimba. Kwimba kwa Yunjiyunji. Ilanguso lya Wakola. Lwimbo lwa mnvina ya kuhesa.)
1Nhumbula ya heni imema majesa ganojile.Ndangumlonjela mndewa misitali ja lwimbo lwangu,umyango wa heni ndo kota kalamu ya yalinguweza kwandika goya.2Kumeho kwa hegwe ndo kunoga kusinda wanhu weng'ha,ulonzi wa hegwe ndo isungu hela.Ahyo Nguluwi nakakutambichiza mazuwa gose.3Uwohe ipanga lya hegwe, hegwe ulingitowa ngondo uzidahe.Hegwe kuna ukulu na lutogo.4Kuli ukulu wa hegwe, ulutilile kumwando kwa kusumya,ukulewele kukomya na kunyenyetela na kwamila hachi.Moko wa hegwe wa kudilo udite mbuli ng'hulu.5Misale ja hegwe jihongoka lukami,jangukola kuli nhumbula za wang'honyo wa mndewa,wanhu wa isi wangugwa hasi ha hegwe.6Gwa Nguluwi, chigoda cha hegwe cha undewa ndo cha mazuwa gose.Kwangulongoza wanhu wa hegwe kwa hachi.7Nakugana gatanganiche na kuzudila wihe,kwa chiwalo acho, Nguluwi, Nguluwi wa hegwe,nakakuhagula kwa kukubakaliza mafuta ga usangalalo, kusinda wayago.8Mivalo ja hegwe jangunhunyhilila manemane na udi na mdalasini,lizi lya vinhu vya muziki vya ng'weso lyangukusangalaza,kuli ng'handa ng'hulu zinoligwe kwa mizino mikulu ja itembo,9Wahinza wa wandewa wa hali wadala wa hegwe walingutogoligwa,naye mche wa mndewa kema kudilo kwa hegwe,yavalile vinoligo vya zahabu inojile ya Ofili.10Uhulichize mhinza, wijese.Uwiche goya ikutu lya hegwe.Uleche kukumbuchila wanhu wa hegwe na ivyazi lya hegwe.11Kumeho kwa hegwe ndo kunoga,heye ka mkulu wa hegwe igana umhulichize.12Wanhu wa Tilo wokugalila ndolendole,wawele na lufufu wogana uganililo wa hegwe.13Ukulu weng'ha ndo kwa mhinza wa mndewa kuli chihengo cha heye.Ivalo lyake nalitawigwa kwa ng'weso za zahabu.14Yawele yavalile ivalo lya lanji nyinji,kangulongozwa kwa mndewa,wayage mhinza wangumuwinza,nawo wangugaligwa kwa hegwe.15Kwa usangalalo na luchenze wangufika ako,na kwinjila kuli ng'handa ng'hulu ya mndewa.16Gwa mndewa, kowa na wana wenjiwawele wolongoza honhu ha wasekulu wa hegwe,kowadita walongoze kuli isi yeng'ha.17Ndolidita itagwa lyako likumbuchilwe kuli lulelo lweng'ha,isi zeng'ha zokutogola mazuwa gose.