Zabuli34vid_pbt
Lutogo na kunoga kwa Nguluwi
(Zabuli ya Daudi loyeditile kota kana lukwale hali Abimeleki, yawele nakamuwinga, naye nakoka.)
1Ndomtogola Mkulu Nguluwi mihela jeng'ha,sileka hebu kulonga lutogo lwa heye.2Heni ndowa na lutogo hali Mkulu Nguluwi,ng'hochele wahuliche na kusangalala.3Mumtogole Mkulu Nguluwi hamwe na heni,tweng'ha hamwe tulitogole itagwa lya heye.4Nandimlanda Mkulu Nguluwi naye nakanyidichila,nakambusa kulawa kuli kudumba kwa heni kweng'ha.5Wala walingumlola, wowichigwa lumuli,kumeho kwa hewo hakuwa na soni hebu.6Yalingubunzwa nakamlilila Mkulu Nguluwi, naye nakamhulika,na kumlohola kuli magazo ga heye geng'ha.7Mhilisi wa Mkulu Nguluwi kanguwamilaga banzi zeng'ha na kuwalohola,weng'ha walingumdumba.8Mjeze mone Mkulu Nguluwi vyoyawele yanojile.Nakatambichizwa munhu yalingubilimila kikala goya kwa heye.9Mumdumbe Mkulu Nguluwi hemwe welile wa heye,kwa vila walingumdumba hawokwisilwa chinhu.10Mbaka misimba jangwisilwa na kona nzala,ila walingumpala Mkulu Nguluwi,hawalingupunguchilwa na chinhu choneche chinojile.11Muye hemwe wasongolo mnyhulichize,nani ndowalangusa kumdumba Mkulu Nguluwi.12Whaani yalingunojezwa na ukomu,yalingugana mazuwa menji leka yagone ganojile?13Lelo, uleche kulonga gehile,na kiwika kutali na kulonga udesi.14Wiwiche kutali na wihe, udite ganojile,upale kikala goya na kibatilila.15Meho ga Mkulu Nguluwi ganguwalolaga watanganiche,na kuhulichiza kung'ung'uta kwa hewo,16ila Mkulu Nguluwi kanguwaga yochitwanza na walingudita wihe,leka yose kukumbuchila kwa hewo muisi.17Watanganiche howomlilila Mkulu Nguluwi, heye kanguwahulika,na kuwalohola kulawa kuli magazo ga hewo geng'ha.18Mkulu Nguluwi ka habehi na hewo watweguche nhumbula,kanguwalohola weng'ha wagozole ng'hatu.19Magazo ga yatanganiche ndo menji,ila Mkulu Nguluwi kangumlohola kulawa geng'ha.20Kangujamila mizeje ja heye jeng'ha,haduhu ne limwe lyobeneka.21Wihe wanguwegalilaga wehile kubagama,walinguwazudila watanganiche wotagusigwa kwa wihe.22Mkulu Nguluwi kanguloholaga ukomu wa vitumagwa wa heye,weng'ha walingumbilimila hawotagusigwa kwa wihe.