Zabuli29vid_pbt
Lizi lya Nguluwi
(Zabuli ya Daudi.)
1Mumtogole Mkulu Nguluwi, hemwe vilumbigwe vya kilanga,mlonje Mkulu Nguluwi kana ukulu na mong'ho.2Muwikule ukulu wa itagwa lya Mkulu Nguluwi.Mumfugamile Mkulu Nguluwi kuli welile ng'hatu wa heye.3Lizi lya Mkulu Nguluwi lwanguhulikwa mchanya mwa bahali,Nguluwi yawele na ukulu kangulibumiza limlungu,lizi lya Mkulu Nguluwi lyanguhulikwa mchanya mwa bahali.4Lizi lya Mkulu Nguluwi lina mong'ho,lizi lya Mkulu Nguluwi limema ukulu.5Lizi lya Mkulu Nguluwi lyangubena migodi mikulu,Mkulu Nguluwi kangubenanga migodi mikulu ja Lebanoni.6Kangwambuzaga limachinyhina kuli vidunda vya Lebanoni,chidunda cha Helimoni chitigasiche.7Lizi lya Mkulu Nguluwi lyangulavyaga lumwemwesa.8Lizi lya Mkulu Nguluwi lyangukudita kugunuche kukakame,Mkulu Nguluwi nakakudita kugunuche ako Kadeshi kukakame.9Lizi lya Mkulu Nguluwi lyangutigasa migodi ja kumhulo,lyangulagaza mahamba ga migodi kuli kisolo,na mgati mwa ng'handa ya heye kweng'ha wangulonga,“Ukulu kwa Nguluwi.”10Mkulu Nguluwi ndo yalingulongoza mchanya mwa mazi tendema,Mkulu Nguluwi ndo mndewa yalingulongoza mazuwa gose.11Mkulu Nguluwi yawape mong'ho wanhu wa heye.Mkulu Nguluwi yawatambichize wanhu wa heye kwa kikala goya.