Zabuli103vid_pbt
Kulanda kukulu kwa kulonga malumbo
(Lwimbo lwa Daudi.)
1Gwa nhumbula ya heni, umtogole Mkulu Nguluwi,vyeng'ha viwele mgati mwa heni vilitogole itagwa lyake lyelile.2Gwa nhumbula ya heni, umtogole Mkulu Nguluwi.Uleche kusemwa ng'o kunoga kwa heye kweng'ha.3Ndo yalingukulechela wihe wa hegwe weng'ha,na kukudita uwe mkomu kulawa kuli matamwa geng'ha.4Ndo yalingukugombola kulawa kuli kubagamana kukuvaliza isungu lya heye na igano lya kwimilila lya heye.5Ndo yalinguumemeza ukomu wa hegwe weng'ha kwa ganojile,leka upone msongolo uwele na mong'ho kota ikungule.6Mkulu Nguluwi kangutagusaga kwa hachi,kanguwapaga walingubunzwa hachi za hewo.7Nakamzelesa Musa nzila za heye,nakawalajila wanhu wa Isilaeli madito ga heye.8Mkulu Nguluwi kana isungu na uliholile,halinguzudilaga himahima nakamema igano lya kwimilila.9Hambe yatung'hanuchile chila mhela,ne ng'halazi ya heye hambe ikale mazuwa gose.10Heye halingutugaza kwa kiwhana na gehile ga hetwe,hambe yahiluse chibida kwa winji wa wihe wa hetwe.11Kota vila ulanga vyouwele kuchanya kutali na isi,ndo vyoliwele linji igano lya kwimilila lya heye kwa wanhu walingumdumba.12Kota kolilawilaga isanya vyokuwele kutali na kolizinjilaga isanya,ndo vyoyalingubagula gehile ga hetwe kutali na hetwe.13Kota vila mhaza vyoyalingumonela isungu mwanage,ndo Mkulu Nguluwi vyoyalinguwonela isungu wanhu walingumdumba.14Nguluwi kanguvizela ndaze vyotulumbigwe,kanguvizela kota hetwe twa nhimbwisi.15Ila munhu, ukomu wa heye ndo kota misolo hela,na wangubawulaga kota uluwa kuchiwala.16Mbeho yanguputaga mchanya mwake nawo wangwajililaga,na honhu holiwele halingoneka kahi.17Ila igano lya kwimilila lya Mkulu Nguluwi lyangikala mazuwa gose,kwa wala walingumdumbana kutanganika kwa heye kwangikala lulelo lweng'ha,18kwa weng'ha walingibatilila ilagano lya heye,walingukumbuchila kuhulichiza malajizo ga heye.19Mkulu Nguluwi nakawika chigoda cha heye cha undewa kilanga,heye kangulongoza mchanya mwa vinhu vyeng'ha.20Hemwe wahilisi muwele na mong'ho, mumtogole Mkulu Nguluwi,mlingweneza malajizo ga heye na kuuhulichiza ulonzi wa heye.21Hemwe wamizi weng'ha wa kilanga, mumtogole Mkulu Nguluwi,hemwe vitumagwa wa heye mlingudita goyalingugana heye.22Mumtogole Mkulu Nguluwi hemwe vilumbigwe vya heye vyeng'ha,mumtogole honeche homuwele kuli honhu heng'ha hoyalingulongoza.Gwa nhumbula ya heni, umtogole Mkulu Nguluwi.