1Awa ndo wandewa wasumigwe na Waisilaeli nakuhola isi ya hewo yeng'ha iwele kolilawilaga isanya kuli lwanda lwa Yolodani kulawila kuli ibindi lya lwanda lwa Alinoni mbaka kuli chidunda cha Helimoni na isi yeng'ha ya Alaba ubanzi wa kolilawilaga isanya.2Mndewa Sihoni wa Waamoli yawele yochikala ako Heshiboni na kulongoza kulawa ako Aloeli, muji uwele hafungo ha ibindi lya Alinoni, kahi nayali mndewa kuli honhu halingwaluchila hagati ha ibindi mbaka lwanda lwa Yaboki ndo nakwali mbaka wa isi ya Waamoni, nusu ya isi ya Gileadi.3Hihyo du, nakalongoza isi yeng'ha ya Alaba ya kolilawilaga isanya kwaluchila bahali ya Kineleti mbaka Bahali ya Mwino na kulutilila kusini mbaka hasi ha viduliko vya Pisiga.4Myage ndo mndewa Ogu, yumwe wa Walefayi waponile, nayalongoze Bashani na yawele yochikala Ashitaloti na Edileyi.5Ulongozi wa heye nawenela mbaka ako kuli chidunda cha Helimoni na ako Saleka na Bashani yeng'ha kulutila kuli mbaka ja Wageshuli na Wamaakati na nusu ya Gileadi mbaka kuli mbaka wa isi ya mndewa Sihoni wa Heshiboni.6Musa, chitumagwa wa Mkulu Nguluwi, hamwe na Waisilaeli nawawasumya wandewa awo, nakazipa isi azo nhanzi ya Lubeni na Gadi na nusu ya nhanzi ya Manase ziwe za hewo.7Hamba Yoshua hamwe na Waisilaeli nawawatowa wandewa weng'ha wa honhu heng'ha hawele kolizinjilaga isanya mwa lwanda lwa Yolodani, kwaluchila Baali-gadi kuli ibindi lya Lebanoni mbaka kuli chidunda cha Halaki kusini habehi na Seili. Yoshua nakazigawila nhanzi za Isilaeli isi azo ziwe za hewo.8Isi azo nazali hamwe na honhu ha vidunda na isi iwele na isi ya ibindi na honhu ha Alaba na kuli viduliko vya vidunda na honhu ha chiwala na honhu ha Negebu, isi zoziwele za Wahiti na Waamoli na Wakanaani na Wapelisi na Wahivi na Wayebusi.9Wandewa wowawasumile nawali mndewa wa Yeliko na mndewa wa Ayi, muji uwele habehi na Beteli10na mndewa wa Yelusalemu na mndewa wa Hebuloni11na mndewa wa Yalimuti na mndewa wa Lakishi12na mndewa wa Eguloni na mndewa wa Geseli13na mndewa wa Debili na mndewa wa Gedeli14na mndewa wa Holima na mndewa wa Aladi15na mndewa wa Libuna na mndewa wa Adulamu16na mndewa wa Makeda na mndewa wa Beteli17na mndewa wa Tapua na mndewa wa Hefeli18na mndewa wa Afeki na mndewa wa Shaloni19na mndewa wa Madoni na mndewa wa Hasoli20na mndewa wa Shimuloni-meloni na mndewa wa Akishafi21na mndewa wa Taanaki na mndewa wa Megido22na mndewa wa Kedeshi na mndewa wa Yokineamu, muji uwele kuli chidunda cha Kalimeli23na mndewa wa Doli kuli mkowa wa Nafoti-doli, mndewa wa Goiimu ako Giligali24na mndewa wa Tilisa. Wandewa awo weng'ha nawali makumi gadatu na yumwe.