1Daudi nakamwimbila Mkulu Nguluwi ulonzi wa lwimbo, zuwa lila Mkulu Nguluwi loyamlohole mmoko mwa wang'honyo wa heye na mmoko mwa Sauli.2Nakalonga,“Mkulu Nguluwi ndo italawe lya heni na ngome ya heni na mlohozi wa heni.3Nguluwi wa heni ndo italawe lya heni, yawele yondilingumbilimila kikala goya,ngawo ya heni, mong'ho wa ulohozi wa heni.Heye ndo ngome ya heni, kubilimila kwa heni na mlohozi wa heni,kangundoholaga kulawa kwa wanhu walingugana kunhowa.4Nandimchema Mkulu Nguluwi, yalinguganigwa kutogoligwa yanhanze,nani nandoholigwa kulawa kwa wang'honyo wa heni.5“Mina nhigu za kubagama nazinzunguluta,mazi tendema ga kudumya nagavaba.6Ng'weso za kuli isi ya wabagame nazimbata,midiwa ja kubagama najifika.7Kuli magazo ga heni, nandimchema Mkulu Nguluwi,ena, nandimchema Nguluwi wa heni.Kulawa kuli ng'handa ya heye nakahulika lizi lya heni,kulila kwa heni nakufika kuli makutu ga heye.8“Isi naikakama na kutigasika,misisi ja ulanga najitigasika,navitigasika kwa vila Nguluwi nayali yazudile.9Iyosi nalifung'ha kulawa kuli mhenyelo ya heye,chiluli chilingulakaza nachilawa kuli mlomo wa heye,makala ga chiluli nagaka kulawa kwa heye.10Nakagubula ulanga nakadulika,ng'hungugu nhitu hasi ha magulu ga heye.11Nakakwina chilumbigwe chiwele na mabawa na kuguluka,nakoneka mchanya mwa mabawa ga mbeho.12Nakezungulusila jiza banzi zeng'ha,ihema lya heye nalyali nhing'hano ya mazi,na ng'hungugu ng'hulu ya kilanga.13Lumwemwesa nalumwemwesa hali heye,nagaka makala ga chiluli.14Mkulu Nguluwi nakabuma kulawa kilanga,Nguluwi Yawele Kuchanya nakalavya lizi lya heye.15Nakawatozela misale wang'honyo na kuwasambalula,kwa lumwemwesa lwa limlungu nakawawinga.16Kwa kung'hanuchila kwa heye Mkulu Nguluwi,kwa lweselo lwa mhenyelo ya heye,nzila za bahali nazigubuligwa,misisi ja isi najoneka hazelu.17“Nguluwi nakagolola moko wa heye kulawa kuchanya na kundavya,kulawa hasi ha mazi menji nakanyasula.18Nakandohola kulawa kwa mng'honyo wa heni yawele na mong'ho,kulawa kwa hewo wanzudile kwa vila nawali na mong'ho lukami kusinda heni.19Nawavaba vyombele kuli magazo,ila Mkulu Nguluwi nayali kitumbila kwa heni.20Nakandavya na kunyhilika kuli kilejeha,nakandohola kwa vila nakanojezwa na heni.21“Mkulu Nguluwi nakamha heni chonolo kwa kiwhana na kutanganika kwa heni,kiwhana na welile wa moko ga heni.22Kwa vila nandizibatilila nzila za Mkulu Nguluwi,na simbelenhuche Nguluwi wa heni.23Kwa vila nhaguso za heye zeng'ha nazali hali heni,sigawichile hafungo malajizo ga heye.24Hali heye siwele na nongwa,nandiwika kutali na gehile.25Ahyo Mkulu Nguluwi nakamha heni chonolo kwa kiwhana na kutanganika kwa heni,kwa kiwhana na welile wa heni kwa heye.26“Mkulu Nguluwi, hegwe kowa wa kukundigwa kwa wawele wa kukundigwa,kwa walihela nongwa, kwangilajila kwahela nongwa.27Kwa heye yalingiyeliza kwangilajila kota ndo yelile,ila kwa wajilile kwanguwaditila kota vyowalinguganigwa.28Kwanguwalohola walingunyenyetela,ila meho ga hegwe ga kwa walingidaya, kwanguwadulisa.29Kwa vila hegwe kwa chenje cha heni,gwa Mkulu Nguluwi, Nguluwi wa heni, kwanguwinga jiza lya heni.30Kwa utanzi wa hegwe ndanguwasumya wamizi,londiwa hamwe na Nguluwi wa heni ndoweza kuzuma lukanzi.31“Choyalingudita Nguluwi chahela nongwa!Kulagana kwa Mkulu Nguluwi ndo kwa kukundigwa,heye ndo ngawo kwa weng'ha walingumbilimila.32Whaani yawele Nguluwi, mzidi wa Mkulu Nguluwi?Whaani yawele italawe lya kutwamila, kota Nguluwi wa hetwe?33Nguluwi ndo honhu ha kubilimila kwa heni kwimile nzinzili,nakaidita nzila ya heni iwe inojile.34Nakadita magulu ga heni gawe nzinzili kota ga ibala,na kumbika honhu hanojile mchanya mwa vinhembenhembe.35Kangundangusa kitowa ngondo,leka moko ga heni gawe na mong'ho wa kukwega upinde uwele nzinzili.36Nakumha heni ngawo ya hegwe ya ulohozi,kunyenyetela kwa hegwe nakundita ndiwe mkulu.37Nakundita njende kwa kilejeha,leka magulu ga heni galeche kutelela.38“Nandiwawinza wang'honyo wa heni na kuwadumya,na sihiluche kumbele mbaka lowadumigwe.39Nandiwadumya nakuwatowanga leka walemwele kwinuka,ena, nawagwa hali magulu ga heni.40Hegwe nakundita ndiwe na mong'ho wa kitowa ngondo,nakuwadulisa wang'honyo hali heni.41Nakuwadita wang'honyo wa heni wabilime,wala wanzudile nandiwadumya.42Nawapala utanzi, ila hakuwele na wa kuwaloholanawamlilila Mkulu Nguluwi, ila hawedichile.43Nandiwatowa, nawali kota nhimbwisi hali mbeho,nandiwabalasa na kuwabiga kota nhope mnzila.44Hegwe nakundohola kulawa kuli kutowigwa na wanhu wa heni,nakumbika ndiwe chilongozi wa wanhu wa isi.Wanhu wohambe ndiwazele nawang'holela mijito.45Wajenzi nawoya na kufugama kwa heni,lowahuliche malajizo ga heni, nawanyhulichiza.46Wajenzi watweguche nhumbula,nawoya kulawa kuli ngome za hewo wokakama.47“Mkulu Nguluwi ka mkomu! Yatambichizwe italawe lya heni!Yatogoligwe Nguluwi wa heni, italawe lya ulohozi wa heni.48Heye nakandita nyhilule chibida,na kuwawika wanhu hali ludali lwa heni.49Nakundavya kulawa kwa wang'honyo wa heni.Kwangunyhinula leka ndiwe mchanya ng'hatu mwa wang'honyo wa heni,na kundohola kulawa kwa wehile.50“Ahyo, ndokutogola, gwa Mkulu Nguluwi, hali isi zeng'ha,ndolitogola itagwa lya hegwe.51Nguluwi kangumtambichizaga mndewa wa heye kusumya kukulu,kangulajilaga igano lya kwimilila kwa yabakalizwe mafuta wa heye,ena, kangumditilaga ahi Daudi na walelwa wa heye mazuwa gose.”