పక్చాతాపం వతాలుకరతె ఇవ్నా హెచ్ఛరిక
1మార భైయ్యే, మహిమాస్వరూపం హుయోతె అప్న ప్రభుహుయోతె యేసుక్రీస్తుఫర్ విష్వాస్వాలహుయతె తుమె అద్మిను భాదర్ను రూపంనా దేఖిన్ మోమాటం వాలహుయిన్ నొకొర్హవొ.2కిమ్కతొ ఘేణను అంగొట్టి గల్లీన్ మోల్ను లుంగ్డ పేర్లిన్ ఏక్నాయేక్ తుమారు న్యావ్నుజొగొమా మలనా ఆయూతెదె, బుజు గలీజ్ లుంగ్డనా పేర్లిదుతె దరిద్రుడ్బి మహీ ఆయుతొ.3తుమె ప్రషస్త లుంగ్డనా పేరిరాక్యుతెవాలనా దేఖిన్ ఇమాన్ దీన్ తూ అజ్గ అష్యల్ను జొగొమా భేహ్కరి బోలిన్, పన్కి యో దరిద్రుడ్తీ తూ అజ్గ ఉబ్బర్కరి, అజు అజ్గా మారు గోడనుపీఠన హేట్ భేహ్కరి బోల్యొతొ4తెదె తుమారు దిల్మా భేదల్వాల ర్హయిన్ తుమే ఖర్రాబ్ను హాఃయల్మా నిర్ణయాల్మా కర్యతేవాల హుసు కాహెనా?5మార లాఢ్హుయతె భైయ్యే భేనె, హాఃమ్జో; ఆ ములక్ను విషయంహుయిన్ దరిద్రుల్హుయుతె ఇవ్నే విష్వాస్మా భాగ్యవంతుల్గా, ఇనా ఫ్యార్కరవాల యో హుకుమ్ కర్యొతే రాజ్యంనా వారసుల్తార ర్హావనటేకె యెంచిలిదో కొయిన్నా?6హుయుతొ తుమె దరిద్రుల్నా ఇజ్జత్ కాడ్సె. ధవ్లత్వాల తుమారఫర్ కఠినంతి అధికారం కర్సె; తుమ్నా న్యావ్నుసమా ఖేచిలీన్ జవాలు ఆవ్నేస్ కాహేన?7తుమ్నా మ్హేందాయ్రూతె స్రేష్ఠ్ హుయుతె నామ్న గాలెదేవ్వాలు అవ్నేస్ కాహెన?8తారింతరా తారు అగల్ బగల్వాలనా ఫ్యార్కర్కరి లేఖనల్మా ఛాతే ప్రాముఖ్య్ హుయుతె ఆ ఆజ్ఞను తుమె కర్యయోతొ అష్యల్తి చాలవాల హుసు.9హుయితొ తుమె భాదార్ను స్వారూపంనా దేఖిన్ పక్చపాతమ్ వాలహుయతా ధర్మషాస్ర్తంనా బారెమా అపరాధుల్నా న్యావ్కరను పాప్ కరవాలహుసు.10కొన్బి ధర్మషాస్త్రంహాఃరుబి పాటించిన్, ఏక్ ఆజ్ఞవిషయంమా చుఖాయుగుతో, ఆజ్ఞహాఃరుబి విషయంమా అపరాధిహుసే;11వ్యభిచర్నొకోర్ కరి బోల్యెయో మరగిదేవ్వానునొకోర్ కరి బోల్యెయో పన్కి తూ వ్యభిచర్నాకర్తో మరగిదేవ్వాను కర్తోబి ధర్మషాస్త్రం విషయంనా అనుసరించోకోయిని.12స్వాతంత్యమ్ దిదుతే నియమంనాతి న్యావ్లేవలవాలనా తగ్యుతిం వాత్బోలొ; ఇంమాస్ మనాస్ ప్రవర్తించో.13గోర్ ద్యేఖాడకొయిన్వాలు గోర్కొయింతె న్యార్ దేవ్ను బారెమా పొంద్చేకొయిని; పన్కి గోర్ను న్యావ్నా మించిన్ అతిషయపడ్సె.విష్వాస్ బుజు కామ్
14మార భైయో బేనె. క్రియల్ కొయిన్టేపార్ కొన్బి ఇనా విష్వాసంనా ఛాకరి బోల్యుతో సాను ప్రయోజనమ్? ఎజ్తను విష్వాసమ్ యో అద్మి బఛ్వాజాసేనా?15భైయోహుయోతే భేన్హుయుతే కోన్బి లుంగ్డ నార్హాహితో, ధన్నా ధన్ కొయిన్తిం ర్హాహితో.16తుమారమా కొన్బి ఆంగ్తాన్ వోనుతే ఇనా అవసరాల్నా తీర్చకొయిన్తిమ్ “సమాధానమ్ జా, ఆగ్ సేకిలా, తృప్తితి ఖా” కరి బోల్యుతో సాను ప్రయోజనమ్?17ఇంమాస్ విష్వాసమ్ క్రియల్ కొయిన్తే యో కేలుహుయిన్ నిర్జీవంతి ఛా.18హుయుతో ఏక్జాను తునా విష్వాసమ్ ఛా, మన క్రియల్బి ఛా, క్రియల్కొయిన్తిం తారు విష్వాసం మన ద్యేఖాడ్, మే మారు క్రియల్తి మారు విష్వాసంనా తుమ్నా ద్యేఖాడిస్కరి బొల్యో.19దేవ్ ఏకస్ కరి తూ నమ్ముకురస్. ఇంమ్ నమ్మను అష్యల్లస్ పాన్కి భూత్బి నమ్మిన్ కపుకురస్.20తెలివికొయిన్తె వాలో క్రియల్ కొయిన్తే విష్వాసం కామ్కోయిని కరి మాలంకర్యెలేవాన ఛా?21అప్నా భానభాహుయోతే అబ్రాహామ్ను ఇన ఛియ్యోహుయోతే ఇస్సాక్నా బలిపీఠంఫర్ అర్పించోతేదె యో కామ్నాటేకె నీతివాలోతార న్యావ్ పొందకొయిన్నా?22విష్వాసమ్ ఇను క్రియల్నాకేడెమలీన్ కామ్ను బారెమా విష్వాసమ్ పరిపూర్ణంకరనా సాత్కర్యొ23అనటేకె అబ్రాహామ్ను దేవ్నా నమ్యో ఇను విస్వాస్ ఇనా నీతితార ఎంచబడ్యొకరి లేఖనమ్ నెరవేర్చబడ్యు. అజు దేవ్ను దోస్త్ కరి ఇనా నామ్ ఆయు.24అద్మియో విష్వాసంను మూలంతీస్ కాహె పన్కి కామ్ను బారెమా నీతివాలోకరి ఎంచబడ్సే, తుమే అనాబారెమా గ్రహించా.25ఇమ్మస్ రాహాబ్కరి వేష్యెబి, రాయబారినా చేర్చిలిన్ బుజైక్ వాట్మాతు ఇవ్నె బోలిమొక్లితేదె క్రియల్మూలంతి నీతివాలికరి ఎంచబడ్యితే కాహేన?26జాన్ కొయిన్తే ఆంగ్తాన్ కిమ్ మరీన్ ర్హాస్కి, ఇమ్మస్ క్రియల్ కొయిన్తె విష్వాసంబి మరిహుయు.